Sjálfbærni

Samstæða Kviku er ábyrgur þátttakandi í samfélaginu. Við hugsum til framtíðar og stuðlum að sjálfbæru samfélagi.

Sjálfbær þróun felur í sér að þörfum nútímans sé mætt án þess að skerða möguleika komandi kynslóða á að mæta sínum þörfum. Umhverfis- og félagslegir þættir, sem og góðir stjórnarhættir (UFS þættirnir), rúmast innan sjálfbærnihugtaksins.

Sjálfbærni er í kjarna viðskiptamódels Kviku og horfum við til UFS þáttanna við ákvarðanatöku. Hugað er að sjálfbærni í vöruþróun og nýsköpun, sem og í samskiptum við samstarfsaðila og viðskiptavini. Við leggjum áherslu á fjölbreytni og vellíðan starfsmanna, fræðslu og þátttöku í samfélagsverkefnum.

Sjálfbærniskýrsla

Sjálfbærniskýrsla 2025

Sjálfbærniskýrsla Kviku fyrir árið 2025 er gefin út samhliða ársreikningi Kviku og dótturfélaga. Í skýrslunni eru gerð skil á árangri félagsins í málefnum sem snerta sjálfbærni, það er umhverfis- og félagsmál, sem og stjórnarhætti (einnig vísað til sem „UFS“). Við gerð skýrslunnar hefur Kvika í annað sinn staðla European Financial Reporting Advisory Group sem bera heitið European Sustainability Reporting Standards eða ESRS til hliðsjónar við upplýsingagjöf fyrir valda gagnapunkta. Endurskoðunarskrifstofan Deloitte hefur gefið völdum upplýsingum í tilvísunartöflu sem fylgir með sjálfbærniskýrslu Kviku, og ráðstöfun grænna fjármuna og nýtingu í græn verkefni samkvæmt grænni fjármálaumgjörð bankans, álit með takmarkaðri vissu, sem má nálgast aftast í skýrslunni.

Sjálfbærniskýrslan í PDF

Áherslur í sjálfbærnistefnu Kviku

Góðir stjórnarhættir

Áhersla er lögð á gagnsæi, ábyrgð og fagmennsku í stjórnarháttum. Í samræmi við tvíátta mikilvægisgreiningu er áhersla innan sjálfbærni lögð á góða viðskiptahætti og hlítingu við regluverk fjármálamarkaða.

Vellíðan og velgengni starfsfólks

Áhersla er á að skapa vinnuumhverfi sem stuðlar að andlegri, líkamlegri og félagslegri vellíðan, sem og þróun starfsfólks. Stutt er við jafnrétti, fjölbreytileika og vinnuumhverfi þar sem allir fá að njóta sín.

Ábyrg og traust þjónusta

Ábyrg fjámálaþjónusta byggir á góðu siðferði, trausti og faglegri ráðgjöf. Hjá Kviku leggur starfsfólk sig fram við að veita viðskiptavinum gagnsæja, heiðarlega og faglega þjónustu með langtímasjónarmið í huga. Mikið er lagt upp úr upplýsingaöryggi og vernd persónuupplýsinga í rekstrinum.

Sjálfbær fjármál og fjártækni

Kvika nýtir fjármálaþjónustu og tækni meðal annars til að knýja áfram sjálfbæra þróun. Fjárfestingar og lánveitingar skulu taka mið af UFS-þáttunum að því marki sem slíkt er mögulegt í hverju tilfelli. Áhersla er á að þróa fjármálalausnir sem auka aðgengi, öryggi og gagnæi í fjármálaþjónustu.