Mikil áhersla er lögð á upplýsingaöryggi hjá Kviku. Bankinn hefur skilgreint stefnu um upplýsingaöryggi sem tekur meðal annars mið af viðmiðunarreglum EBA um áhættustýringu í upplýsingatækni (EBA/GL/2019/04), lögum nr. 78/2025 um stafrænan viðnámsþrótt fjármálamarkaðar (DORA), framseldri reglugerð (ESB) 2024/1774 og ISO 27001:2022 staðlinum. Kvika hefur hlotið ISO 27001 vottun um upplýsingaöryggi.

Stjórn ber ábyrgð á upplýsingatækni og upplýsingaöryggi bankans og fylgist reglulega með áhættu sem tengist upplýsingatækni og upplýsingaöryggi. Rekstrarnefnd bankans er vettvangur samráðs og ákvarðanatöku um lykilatriði sem snúa að öryggi gagna og rekstraröryggi. Rekstrarnefnd skipar í Upplýsingaöryggisnefnd bankans sem fylgist reglulega með stöðu upplýsingaöryggis og tryggir aðkomu lykilfólks í upplýsingatækni og upplýsingaöryggi. Öryggisstjóri Kviku framkvæmir reglulegar prófanir á öryggisráðstöfunum og upplýsir Upplýsingaöryggisnefnd um niðurstöður þeirra. Einnig framkvæmir öryggisstjóri reglulegt áhættumat og greinir ógnir og veikleika sem kunna að hafa áhrif á öryggi gagna og kerfa.