Langtímahugsun er mikilvæg þar sem traust viðskiptasambönd verða til og þróast yfir langt tímabil. Langtímahugsun stuðlar jafnframt að jákvæðum áhrifum á samfélagið og styður markvisst við sjálfbærni.

Kvika styður við sjálfbæra þróun og leggur áherslu á að auka hlut fjárfestinga sem falla innan aðferðafræði ábyrgra fjárfestinga. Ljóst er að einn af lykilþáttum fyrir framgang sjálfbærrar þróunar er að fjármagni sé beint í sjálfbæra uppbyggingu.

Kvika hefur sett sér stefnu um ábyrgar lánveitingar og fjárfestingar sem felur í sér markmið um að tekið sé mið af UFS þáttum við lánveitingar, breytingu á skilmálum útlána, endurfjármögnun og við töku ákvarðana um fjárfestingar.  

Kvika hefur einnig skilgreint stefnu um ábyrgt vöru- og þjónustuframboð en meginmarkmið stefnunnar er að styðja við og þróa áfram vöru- og þjónustuframboð sem styður við sjálfbærni og gildi bankans um langtímahugsun.

Kvika hefur sett siðareglur fyrir birgja og hvetur aðila sem bankinn er í samstarfi við til að virða mannréttindi og stuðla að framangi sjálfbærrar þróunar í starfsemi sinni.  

Framtakssjóðir í rekstri Kviku Framtak eru áhrifafjárfestar sem leggja áherslu á að styðja stjórnendur með markvissum hætti í að bæta rekstur og árangur félaga í eigu sjóðanna. Kvika hvetur félögin til að sýna samfélagslega ábyrgð, tileinka sér góða viðskipta- og stjórnarhætti, gæta að fjölbreytni í stjórnun og huga að umhverfismálum. Frekari upplýsingar um framtakssjóðina má finna hér.

Haustið 2020 varð Kvika og dótturfélög meðlimir að meginreglum Sameinuðu þjóðanna um ábyrgar fjárfestingar (UN PRI).  Liður í aðild Kviku að UN PRI er að skila árlegri framvinduskýrslu til samtakanna. Með aðildinni skuldbindur Kvika sig til að fara eftir sex meginreglum UN PRI um ábyrgar fjárfestingar:

• innleiða UFS þætti inn í greiningu og ákvörðunarferli fjárfestinga;
• vera virkur eigandi og innleiða UFS þætti inn í eigendastefnur og verklag;
• kalla eftir viðeigandi upplýsingum um UFS þættina frá aðilum sem fjárfest er í;
• beita sér fyrir viðurkenningu og innleiðingu meginreglnanna í fjárfestingarstarfsemi almennt; 
• vinna saman að því að ná árangri við innleiðingu meginreglnanna;
• skila framvinduskýrslu um árangur við innleiðingu meginreglnanna til UN PRI. 

Kvika er stofnaðili að IcelandSIF,  íslenskum umræðuvettvangi fyrir ábyrgar og sjálfbærar fjárfestingar. Tilgangur IcelandSIF er að efla þekkingu félagsaðila á aðferðafræði sjálfbærra og ábyrgra fjárfestinga og auka umræður um sjálfbærar og ábyrgar fjárfestingar.