Kvika eignastýring hf. er leiðandi í eignastýringu og fjárfestingastarfsemi hér á landi. Félagið veitir alhliða fjármálaþjónustu með áherslu á árangur og langtímahagsmuni viðskiptavina að leiðarljósi. Kvika eignastýring hentar vel fyrir alla efnameiri einstaklinga, fyrirtæki, sjóði og stofnanir.

Kvika eignastýring leggur áherslu á að veita viðskiptavinum sínum breitt þjónustuframboð til þess að fjárfesta innanlands sem og á erlendum mörkuðum. Meðal þjónustuframboðs má nefna einkabankaþjónustu, sjóðastýringu, framtakssjóði og fjárfestingarráðgjöf ásamt persónulegri þjónustu frá sérfræðingum okkar.

Kvika eignastýring er dótturfélag Kviku banka hf., að fullu í eigu Kviku banka hf. og er starfsstöð félagsins í Katrínartúni 2.

Framkvæmdastjóri Kviku eignastýringar er Hannes Frímann Hrólfsson.

Stjórn: Hrönn Sveinsdóttir, formaður, Óttar Már Ingvason og Andri Vilhjálmur Sigurðsson

Starfsemi Kviku Limited í London miðar að því að veita framúrskarandi þjónustu við viðskiptavini bankans með því að opna þeim aðgang að fjárfestingartækifærum erlendis og veita ráðgjöf við erlenda fjármögnun og aðra alþjóðlega viðskiptagerninga.

Kvika Limited er með starfsleyfi fyrir ákveðnar tegundir fjármálaþjónustu og starfar undir eftirliti breska fjármálaeftirlitsins. Helstu starfssvið félagsins eru fyrirtækjaráðgjöf og framtaksfjárfestingar. Þá veitir félagið fasteignatryggð lán og fyrirtækjalán á Bretlandi og Írlandi í gegnum Ortus Secured Finance.  

Framkvæmdastjóri Kviku Limited er Richard Beenstock.

Stjórn: Guðmundur Þórðarson, formaður, Timothy Smalley og Vala Guðmundsdóttir.

Straumur, dótturfélag Kviku banka, er íslenskt fyrirtæki í greiðslumiðlun. Straumur leggur áherslu á að vera leiðandi í fjártækni og veita framúrskarandi þjónustu.

Straumur er í samstarfi við evrópska fjártæknifyrirtækið Adyen og tengt öllum helstu bókhalds- og afgreiðslukerfum á Íslandi.