Jafnréttisstefna

Sjálfbærni

Vextir og verðskrá

Sjálfbærniáhætta

Upplýsingaöryggi hjá Kviku

Mannauðsstefna

Reglur og skilmálar

Stefna og viðbragðsáætlun gegn einelti, kynferðislegri áreitni, kynbundinni áreitni og ofbeldi (EKKO)

Verklag um fjarvinnu

Fjárfestingar og viðskiptahættir

Ávöxtunarleiðir séreignarsparnaðar

Erlend greiðslufyrirmæli

Upplýsingagjöf tengd sjálfbærni á sviði fjármálaþjónustu (SFDR)

Subsidiaries

Dótturfélög

Sustainability

Störf í boði hjá Kviku banka

Starfsreglur og stjórnarhættir

FrumkvöðlaAuður

General Terms and Policies

Kvika App - Reglur og skilmálar

Persónuverndarstefna Kviku banka hf.

Meðferð kvartana

About Kvika

PSD2 and test environment

Jólagjöf Kviku 2025

Hlutafjárútboð Íslandsbanka

PSD2 og prófunarumhverfi

Commercial Banking

Standard Settlement Instructions

Commercial bank

Um Kviku

Ársreikningar dótturfélaga Kviku

Fjárfestingarbanki

Media

Viðskiptabanki

Mannauður

Tilnefningarnefnd

Séreignasparnaður

Undirnefndir stjórnar og endurskoðun

Organization chart

Netgíró - Netöryggi

Corporate Governance

Skipurit

Fjölmiðlar

Fjárfestadagur Kviku

Aur - Netöryggi

Kynning á uppgjöri

Kvika - Netöryggi

Stjórn og stjórnarhættir

Kvika verðbréf

Investment Banking & Capital Markets

Áreiðanleikakönnun lögaðila

Skiptiþjónusta

Test

Kynning á uppgjöri 2023

Skilmálar og persónuverndarstefna

Áreiðanleikakönnun einstaklinga

Reports

Sjálfbærnióskir

Kreditkort Kviku

Remote work policy

Kynning á uppgjöri 2022

Skýrslur og úttektir

Apple Pay

Google Pay

Söguleg gögn TM og Lykils

Skilmálar Kvika Verðbréf

Kvika's Cookie Policy Terms and Conditions

Upplýsingar vegna FATCA

Skilmálar Kviku um notkun á vefkökum

Slice Showcase

Skilmálar: Kvika verðbréf

Áreiðanleikakönnun söluaðila Netgíró og Aur

Stefna Kviku

Könnun

Gjaldeyrir

Tilhlýðileikamat

Fyrirtækjaráðgjöf

Fyrirvari um tölvupost

Bankasvið

Markaðir

Sterk auðkenning

Tölvupóstur

Shareholder meetings

Community

Kvika's Strategy

Fyrsti sértryggði skuldabréfaflokkur Kviku banka, KVIKA CB 32, hefur verið tekinn til viðskipta á aðalmarkaði Nasdaq Iceland. Útgáfan byggir á húsnæðislánasafni bankans og styður við áframhaldandi sókn Kviku á húsnæðislánamarkaði.

Kvika hóf að bjóða húsnæðislán undir vörumerki Auðar sumarið 2025 og hafa þau fengið afar góðar viðtökur. Með útgáfu sértryggðra skuldabréfa bætist við ný fjármögnunarleið fyrir bankann en Kvika verður jafnframt fjórði útgefandi sértryggðra skuldabréfa á íslenskum markaði.

Í frumútboði flokksins bárust tilboð fyrir samtals 10,12 milljarða króna og voru samþykkt tilboð fyrir 5,92 milljarða króna. Heildarstærð flokksins er 6,42 milljarðar króna, þar af eru 500 milljónir króna til eigin nota. Bréfin bera 7,74% árlega vexti.

Eiríkur Magnús Jensson, fjármálastjóri Kviku banka

„Við erum ánægð með viðtökurnar sem þessi fyrsta útgáfa okkar á sértryggðum skuldabréfum hefur fengið. Hún eykur fjölbreytni í fjármögnun bankans og styður við áframhaldandi uppbyggingu húsnæðislánastarfsemi okkar,“

Skuldabréfin eru gefin út undir sértryggðum skuldabréfaramma Kviku, með leyfi fjármálaeftirlits Seðlabanka Íslands. Nánari upplýsingar um útgáfuna og skilmála skuldabréfanna má finna undir fjárfestaupplýsingum.

Kvika banki gefur út sértryggð skuldabréf í fyrsta sinn

Kvika banki hf. auglýsir hér með opið útboð á endurskoðunarþjónustu fyrir bankann og dótturfélög hans.

Útboðið er opið en til að tilboðsgjafar komi til greina sem endurskoðendur Kviku þurfa þeir að uppfylla eftirfarandi skilyrði:

Endurskoðunarfyrirtæki skal hafa starfsleyfi samkvæmt 4. gr. laga nr. 94/2019 um endurskoðendur, hafa starfsstöð á Íslandi auk þess að vera aðili að alþjóðlegu tengslaneti

Endurskoðað skal í samræmi við Alþjóðlega endurskoðunarstaðla

Endurskoðunarfyrirtækið skal vera óháð Kviku banka, dótturfélögum hans og lykilstjórnendum í samstæðunni

Gert er ráð fyrir að tillaga um val á endurskoðendum verði lögð fyrir aðalfund bankans í mars 2027 og byggi á niðurstöðum útboðsferlisins. Kvika áskilur sér rétt til að taka hvaða tilboði sem er eða hafna öllum tilboðum.

Fyrir nánari upplýsingar skal senda fyrirspurn á netfangið eirikur.jensson@kvika.is

Væntanlegir tilboðsgjafar skulu tilkynna um þátttöku sína fyrir kl. 16:00 þann 19. október 2026, með tilkynningu þess efnis á sama netfang. Þann dag verða útboðsgögn afhent þeim tilboðsgjöfum sem uppfylla skilyrði útboðsins, eftir að undirrituð hefur verið trúnaðaryfirlýsing.  

Tilboðsgjafar hafa frest til og með 30. október 2026 til að skila inn endanlegu tilboði.

Útboðið er opið en til að tilboðsgjafar komi til greina sem endurskoðendur Kviku þurfa þeir að uppfylla eftirfarandi skilyrði.

Kvika banki auglýsir eftir tilboðum í endurskoðunarþjónustu.

Stjórn Kviku banka hefur ráðið Jón Birgi Jónsson sem forstjóra bankans. Jón Birgir mun hefja störf þann 1. desember næstkomandi og tekur þá við af Ármanni Þorvaldssyni, sem tilkynnti fyrr á árinu að hann hygðist láta af störfum.

Jón Birgir býr yfir yfirgripsmikilli reynslu af alþjóðlegum fjármálamörkuðum og hefur starfað stærstan hluta starfsferils síns erlendis, í London og New York, hjá tveimur af stærstu eignastýringarfyrirtækjum heims.

Á árunum 2013 til 2025 starfaði Jón Birgir hjá Neuberger Berman í London, þar sem hann var einn af eigendum félagsins og gegndi stjórnendastöðu. Hann kom til félagsins til að styrkja starfsemi þess á sviði alþjóðlegra skuldabréfafjárfestinga og sinnti síðar í auknum mæli samskiptum við fag- og stofnanafjárfesta. Þar áður starfaði hann frá árinu 1998 hjá J.P. Morgan Asset Management, bæði í New York og London, sem sjóðstjóri með áherslu á skuldabréf og alþjóðlega vaxtamarkaði.

Jón Birgir lauk grunnnámi í stærðfræði við Háskóla Íslands og framhaldsnámi í fjármálaverkfræði við New York University. Þrátt fyrir langan starfsferil erlendis hefur hann haldið sterkum tengslum við íslenskt atvinnulíf, meðal annars sem stjórnarmaður í Bresk-íslenska viðskiptaráðinu.

Sigurður Hannesson, stjórnarformaður Kviku banka:

„Það er ánægjulegt að fá Jón Birgi í öflugt lið Kviku. Umfangsmikil reynsla hans af fjármálamörkuðum og sterk alþjóðleg tengsl munu nýtast Kviku vel í áframhaldandi þróun bankans.

Kvika hefur vaxið og þróast hratt á undanförnum árum og er í dag með fjölbreyttan rekstur og spennandi tækifæri til frekari vaxtar og þróunar, bæði á Íslandi og í Bretlandi þar sem vel hefur tekist að byggja upp arðbæran rekstur. Umfangsmikil reynsla Jóns Birgis af fjármálamörkuðum og sterk alþjóðleg tengsl falla vel að þeim tækifærum sem Kvika stendur frammi fyrir.

Um leið vil ég þakka Ármanni Þorvaldssyni fyrir mikilvægt framlag hans til Kviku. Á forstjóratíð hans hefur bankinn vaxið verulega og þróað öflugan og fjölbreyttan rekstur. Fyrir þann árangur á Ármann, ásamt öllu því öfluga starfsfólki sem lagt hefur sitt af mörkum á þessari vegferð, miklar þakkir skildar.“

Jón Birgir Jónsson, nýr forstjóri Kviku banka:

„Ég er fyrst og fremst stoltur og þakklátur fyrir það traust sem mér er sýnt. Þetta er virkilega spennandi verkefni og bankinn er einstaklega vel í stakk búinn til áframhaldandi sóknar, með góða innviði, sterkan efnahagsreikning og framúrskarandi starfsfólk. Markmið okkar er og verður áfram að veita viðskiptavinum okkar öfluga fjármálaþjónustu.“

Jón Birgir Jónsson ráðinn forstjóri Kviku banka

Í kjölfar vaxtaákvörðunar Seðlabanka Íslands 19. ágúst 2026 þar sem meginvextir hækkuðu um 0,25%, breytir Kvika banki vöxtum.

Ný vaxtatafla tekur gildi mánudaginn 24. ágúst 2026.

Vextir á óverðtryggðum innlánum hækka um 0,25

Vextir á yfirdráttarlánum og greiðsludreifingum hækka um 0,25%

Breytingar á vöxtum greiðslureikninga sem falla undir lög um greiðsluþjónustu taka gildi að tveimur mánuðum liðnum í samræmi við 7. kafla almennra viðskiptaskilmála Kviku og 2. mgr. 56. gr. laga nr. 114/2021 um greiðsluþjónustu.

Vaxtatafla Kviku banka

Í kjölfar vaxtaákvörðunar Seðlabanka Íslands 19. ágúst 2026 þar sem meginvextir hækkuðu um 0,25%,  breytir Kvika banki vöxtum.

Kvika banki breytir vöxtum

Kvika banki og UNICEF á Íslandi hafa endurnýjað langtímasamstarf sitt um bankaþjónustu og stuðning við starf UNICEF. Samstarf aðilanna á sér langa sögu en Kvika hefur verið aðalsamstarfsaðili UNICEF á Íslandi á sviði bankaþjónustu frá árinu 2011.

Sem velunnari Heimsforeldra niðurgreiðir Kvika bankakostnað verkefnisins þannig að söfnunarfé Heimsforeldra nýtist enn betur til verkefna UNICEF í þágu réttinda og velferðar barna um allan heim. Kvika styður jafnframt við fjáröflun og starfsemi UNICEF á Íslandi með framlögum í Neyðarsjóð UNICEF sem gerir samtökunum kleift að bregðast hratt við þegar neyð skapast, s.s. vegna náttúruhamfara eða átaka.

Samstarfið felur jafnframt í sér að Kvika annast bankaþjónustu UNICEF á Íslandi, meðal annars vegna innheimtu styrkja og miðlunar fjármagns til hjálparstarfs UNICEF erlendis.

Birna Þórarinsdóttir, framkvæmdastjóri UNICEF á Íslandi.

„UNICEF á Íslandi hefur ávallt lagt höfuðáherslu á að fara vel með hverja krónu sem styrktaraðilar okkar treysta okkur fyrir. Það er ómetanlegt að hafa jafn traustan bakhjarl í bankaþjónustu eins og Kviku banka, sem tryggir hagstæðustu mögulegu kjör og þjónustu svo við getum hámarkað fjármagn í lífsbjargandi verkefni. Það er ánægjulegt að við séum enn á ný að endurnýja okkar farsæla samstarf svo við getum í sameiningu tryggt börnum um allan heim menntun, næringu, hreint vatn og öryggi.“

Anna Rut Ágústsdóttir, aðstoðarforstjóri Kviku banka.

„Samstarfið við UNICEF er okkur hjá Kviku mikilvægt og við erum stolt af því að hafa átt þátt í starfi samtakanna um langt árabil. UNICEF vinnur mikilvægt starf í þágu barna og með samstarfinu getum við nýtt okkar þekkingu og þjónustu til að styðja við það starf með áþreifanlegum hætti. Við hlökkum til að halda áfram góðu samstarfi við UNICEF á Íslandi.“

Samstarf Kviku og UNICEF skilar meiru til barna

Á stjórnarfundi þann 12. ágúst 2026 samþykktu stjórn og forstjóri árshlutauppgjör samstæðu Kviku banka hf. („Kvika“) fyrir annan ársfjórðung og fyrstu sex mánuði ársins 2026.

Helstu atriði í afkomu annars ársfjórðungs (2F 2026):

Hagnaður af áframhaldandi starfsemi samstæðunnar fyrir skatta nam 1.545 m.kr. á 2F 2026, samanborið við 2.025 m.kr. á 2F 2025 og lækkaði um 480 m.kr. eða 23,7%.

Hagnaður af áframhaldandi starfsemi samstæðunnar eftir skatta nam 903 m.kr. á 2F 2026, samanborið við 1.439 m.kr. á 2F 2025 og lækkaði um 536 m.kr. eða 37,2%

Hreinar vaxtatekjur námu 3.013 m.kr. á 2F 2026, samanborið við 2.962 m.kr. á 2F 2025 og hækkuðu um 51 m.kr. frá fyrra ári eða 1,7%.

Vaxtamunur var 4,0% á 2F 2026, samanborið við 4,0% á 2F 2025.

Hreinar þóknanatekjur námu 1.416 m.kr. á 2F 2026, samanborið við 1.935 m.kr. á 2F 2025 og lækkuðu um 519 m.kr. frá fyrra ári eða 26,8%.

Aðrar rekstrartekjur námu 327 m.kr. á 2F 2026, samanborið við 231 m.kr. á 2F 2025 og hækkuðu um 96 m.kr. frá fyrra ári.

Rekstrarkostnaður nam 2.947 m.kr. á 2F 2026, samanborið við 2.981 m.kr. á 2F 2025 og lækkar um 34 m.kr. frá fyrra ári eða 1,1%.

Arðsemi efnislegs eigin fjár (RoTE) fyrir skatta af áframhaldandi starfsemi nam 15,1% á 2F 2026, samanborið við 18,5% á 2F 2025.

Hagnaður á hlut af áframhaldandi starfsemi nam 0,21 kr. á 2F 2026, samanborið við 0,31 kr. á 2F 2025.

Helstu atriði efnahags þann 30.06.2026:

Innlán frá viðskiptavinum námu 201 ma.kr., samanborið við 173 ma.kr. í lok árs 2025 og jukust um 16,5% á tímabilinu.

Útlán til viðskiptavina voru 223 ma.kr., samanborið við 208 ma.kr. í lok árs 2025 og jukust um 7,6% á tímabilinu.

Heildareignir námu 376 ma.kr., samanborið við 343 ma.kr. í lok árs 2025.

Eigið fé samstæðunnar var 58 ma.kr., samanborið við 69 ma.kr. í lok árs 2025.

Eiginfjárhlutfall samstæðunnar (CAR) var 23,0%, samanborið við 26,8% í lok árs 2025.

Heildar lausafjárþekjuhlutfall (LCR) samstæðunnar var 276%, samanborið við 404% í lok árs 2025.

Heildareignir í stýringu námu 449 ma.kr., samanborið við 469 ma.kr. í lok árs 2025.

Hagnaður af áframhaldandi starfsemi samstæðunnar fyrir skatta nam 3.354 m.kr., samanborið við 2.726 m.kr. á sama tímabili árið 2025 og hækkaði um 628 m.kr. eða 23,0%.

Hagnaður af áframhaldandi starfsemi samstæðunnar eftir skatta nam 2.277 milljónum króna, samanborið við 1.625 m.kr. á sama tímabili árið 2025 og hækkaði um 652 m.kr. eða 40,2%.

Hreinar vaxtatekjur námu 6.279 milljónum króna, samanborið við 5.879 m.kr. á sama tímabili árið 2025 og hækkuðu um 6,8% frá fyrra ári.

Vaxtamunur var 4,3% á fyrstu sex mánuðum ársins 2026 samanborið við 4,1% á fyrstu sex mánuðum ársins 2025.

Hreinar þóknanatekjur námu 2.902 milljónum króna, samanborið við 3.455 m.kr. á sama tímabili árið 2025 og lækkuðu um 553 m.kr. eða 16,0%.

Aðrar rekstrartekjur námu 462 milljónum króna, samanborið við 243 m.kr. á sama tímabili árið 2025 og hækkuðu um 219 m.kr.

Rekstrarkostnaður nam 5.961 milljónum króna, samanborið við 6.071 milljónir króna á sama tímabili árið 2025 og lækkaði um 110 m.kr. eða 1,8%.

Arðsemi efnislegs eigin fjár (RoTE) fyrir skatta af áframhaldandi starfsemi nam 15,6% á fyrstu sex mánuðum ársins 2026, samanborið við 13,3% á sama tímabili árið 2025.

Hagnaður á hlut af áframhaldandi starfsemi nam 0,52 kr., samanborið við 0,36 kr. á sama tímabili árið 2025.

„Rekstur bankans á öðrum fjórðungi gekk prýðilega og mörg stór skref voru stigin í þá átt að auka arðsemi bankans til framtíðar. Fyrri árshelmingur var í heild sinni mjög góður og umtalsverð hagnaðaraukning milli ára.

Rúmlega 10 milljarða arður var greiddur til hluthafa í byrjun júní og það eigið fé sem bundið er í rekstrinum hefur lækkað samsvarandi. Einstaklega vel heppnað AT1 skuldabréfaútboð í byrjun fjórðungsins í Svíþjóð, að upphæð sem samsvarar 4 milljörðum króna gerði bankanum kleift að greiða út háan arð, en viðhalda engu að síður mjög sterkri eiginfjárstöðu.

Langbestu kjörum á erlendri skuldabréfaútgáfu Kviku var síðan náð í byrjun júní, þegar bankinn gaf út EUR 150 milljónir á kjörum sem samsvara um 1,65% álagi á millibankavexti. Þessi útgáfa gerir bankanum kleift að endurfjármagna umtalsvert dýrari erlenda fjármögnun síðar á árinu, sem styrkja mun vaxtamun, auk þess að fjármagna framtíðarvöxt lánabóka Kviku í erlendri mynt á lægri kjörum en Kviku hefur áður boðist.

Þóknanatekjur dragast umtalsvert saman milli ára, sem endurspeglar annars vegar mjög háar þóknanatekjur á öðrum fjórðungi 2025 vegna útboðs á hlut ríkisins í Íslandsbanka, en einnig áframhaldandi erfiðar markaðsaðstæður á íslenskum hlutabréfamarkaði.

Góður vöxtur var hins vegar í allri lánastarfsemi Kviku á fjórðungnum og jafnframt var mjög mikill innlánavöxtur. Þrátt fyrir þennan vöxt er rekstrarkostnaður bankans að lækka milli ára á tíma hárrar verðbólgu og mikilla launahækkana í samfélaginu. Ráðist var í erfiðar hagræðingaraðgerðir í byrjun

júní, sem leiddu af sér rúmlega 100 milljón króna gjaldfærslu í fjórðungnum, en munu lækka enn frekar rekstrarkostnað bankans til framtíðar.

Það er mat stjórnar og stjórnenda að greiðsluþjónusta sé sú starfsemi sem bankinn stundi sem samræmist einna síst stefnu bankans og annarri starfsemi hans og hefur því verið ákveðið að setja Straum, dótturfélag bankans, í söluferli. Einkaviðræður um söluna standa nú yfir og vonast er til að henni ljúki fyrir árslok.

Vegna þeirra aðgerða sem að ofan greinir stefnir í, að öðru óbreyttu, að arðsemi rekstrar bankans á næstunni verði mjög góð. Dregið hefur verið umtalsvert úr eiginfjárbindingu með háum arðgreiðslum, AT1 útgáfu og kaupum á eigin bréfum. Rekstrarkostnaður bankans er nú lægri en hann hefur verið í mörg ár. Sterkur vöxtur lánabóka og innlána auk nýrra eignastýringarafurða munu skila sér í auknum tekjum og á sama tíma er fjármögnunarkostnaður bankans í erlendum gjaldmiðlum að lækka hratt.”

Kynningarfundur fyrir hluthafa og markaðsaðila verður haldinn fimmtudaginn 13. ágúst kl. 08:30 í höfuðstöðvum bankans á 9. hæð í Katrínartúni 2, 105 Reykjavík. Fundinum verður jafnframt streymt HÉR

Hægt er að senda tölvupóst með spurningum fyrir fund eða á meðan honum stendur á netfangið; fjarfestatengsl@kvika.is

Stöðugar vaxtatekjur og kostnaðaraðhald skila sterkum grunnrekstri.

Afkoma Kviku banka á öðrum ársfjórðungi 2026

Í kjölfar vaxtaákvörðunar Seðlabanka Íslands 20. maí 2026 þar sem meginvextir hækkuðu um 0,25%,  breytir Kvika banki vöxtum.

Ný vaxtatafla tekur gildi fimmtudaginn 28.05.2026.

Vextir á óverðtryggðum innlánum hækka um 0,25%

Breytingar á vöxtum greiðslureikninga sem falla undir lög um greiðsluþjónustu taka gildi að tveimur mánuðum liðnum í samræmi við 7. kafla almennra viðskiptaskilmála Kviku og 2. mgr. 56. gr. laga nr. 114/2021 um greiðsluþjónustu.

Vaxtatafla Kviku

Kröftug aukning vaxtatekna og lækkun rekstrarkostnaðar.

Á stjórnarfundi þann 12. maí 2026 samþykktu stjórn og forstjóri árshlutauppgjör samstæðu Kviku banka hf. fyrir fyrsta ársfjórðung 2026.

Helstu atriði í afkomu fyrsta ársfjórðungs (1F 2026):

Hagnaður af áframhaldandi starfsemi samstæðunnar fyrir skatta nam 1.809 m.kr. á 1F 2026, samanborið við 701 m.kr. á 1F 2025 og eykst um 1.108 m.kr. eða 158%.

Hagnaður af áframhaldandi starfsemi samstæðunnar eftir skatta nam 1.374 m.kr. á 1F 2026, samanborið við 186 m.kr. á 1F 2025 og eykst um 1.188 m.kr.

Hreinar vaxtatekjur námu 3.266 m.kr. á 1F 2026, samanborið við 2.917 m.kr. á 1F 2025 og hækkuðu um 349 m.kr. frá fyrra ári eða 12,0%.

Vaxtamunur var 4,5% á 1F 2026, samanborið við 4,4% á 1F 2025.

Hreinar þóknanatekjur námu 1.486 m.kr. á 1F 2026, samanborið við 1.520 m.kr. á 1F 2025 og lækkuðu um 34 m.kr. frá fyrra ári eða 2,3%.

Aðrar rekstrartekjur námu 135 m.kr. á 1F 2026, samanborið við 12 m.kr. á 1F 2025 og hækkuðu um 123 m.kr. frá fyrra ári.

Rekstrarkostnaður nam 3.014 m.kr. á 1F 2026, samanborið við 3.090 m.kr. á 1F 2025 og lækkar um 76 m.kr. frá fyrra ári eða 2,5%.

Arðsemi efnislegs eigin fjár (RoTE) fyrir skatta af áframhaldandi starfsemi nam 15,7% á 1F 2026, samanborið við 7,8% á 1F 2025.

Hagnaður á hlut nam 0,31 kr. á 1F 2026, samanborið við 0,04 kr. af áframhaldandi starfsemi á 1F 2025.

Innlán frá viðskiptavinum námu 190 ma.kr., samanborið við 173 ma.kr. í lok árs 2025 og jukust um 9,8% á ársfjórðungnum.

Útlán til viðskiptavina voru 217 ma.kr., samanborið við 208 ma.kr. í lok árs 2025 og jukust um 4,3% á ársfjórðungnum.

Heildareignir námu 360 ma.kr., samanborið við 343 ma.kr. í lok árs 2025.

Eigið fé samstæðunnar var 67 ma.kr., samanborið við 69 ma.kr. í lok árs 2025.

Eiginfjárhlutfall samstæðunnar (CAR) var 26,7%, samanborið við 26,8% í lok árs 2025. Hlutfallið tekur tillit til óendurskoðaðs hagnaðar fjórðungsins en eiginfjárhlutfall samkvæmt reglum Fjármálaeftirlits Seðlabanka Íslands var 26,2% í lok mars 2026.

Heildar lausafjárþekjuhlutfall (LCR) samstæðunnar var 291%, samanborið við 404% í lok árs 2025.

Heildareignir í stýringu námu 450 ma.kr., samanborið við 469 ma.kr. í lok árs 2025.

Stjórn bankans hefur boðað til hluthafafundar þann 4. júní 2026 þar sem lögð er til sérstök arðgreiðsla að fjárhæð kr. 2,35 á hlut, eða rúmir 10 milljarðar króna. Á aðalfundi 18. mars kom fram að eiginfjárstaða félagsins yrði áfram mjög sterk og að stjórn myndi meta frekari útgreiðslur síðar á árinu. Í ljósi þess að samruni Kviku og Arion banka verður ekki að veruleika er nú til staðar aukið svigrúm til að skila fjármunum til hluthafa.

Við mótun tillögu stjórnar var einnig tekið mið af fyrirliggjandi heimild til kaupa á eigin hlutabréfum fyrir allt að 10% af hlutafé félagsins. Stjórn stefnir þannig, ef aðstæður leyfa, einnig að því að kaupa eigin hlutabréf fyrir allt að fjóra milljarða króna síðar á árinu.

„Fyrsti ársfjórðungur ársins 2026 var mjög góður í rekstri bankans, vaxtatekjur halda áfram að aukast, kostnaðaraðhald er að skila sér og við sjáum góðan vöxt í lykilþáttum starfseminnar.

Skömmu eftir lok fjórðungsins var tilkynnt um að hætt hefði verið við samrunaviðræður Kviku og Arion, í kjölfar niðurstaðna forviðræðna við Samkeppniseftirlitið. Mikil og vönduð vinna var lögð í þessar viðræður enda töldu samrunaaðilar allar vísbendingar til þess að mikil verðmæti hefðu skapast fyrir hluthafa og viðskiptavini ef af samrunanum hefði orðið.

Bankinn heldur ótrauður áfram á þeirri vegferð sem mörkuð var fyrir um tveimur árum síðan, sem byggist á umtalsverðum vexti með það að markmiði að skapa verðmæti fyrir hluthafa og aðra hagaðila, en afar vel hefur gengið að ná þeim markmiðum sem við kynntum á Fjárfestadegi Kviku 2024.

Mikilvægt næsta skref í þeirri vegferð er að auka skilvirkni fjármagnsskipan bankans. Í apríl gáfum við út í fyrsta sinn svokölluð AT1 skuldabréf, sem teljast til viðbótar eiginfjárþáttar 1, fyrir fjárhæð sem nemur um 4 milljörðum króna. Útgáfan fór fram í Svíþjóð og fékk afar góðar viðtökur þar sem kjörin, 4,25% yfir millibankavöxtum, voru mun hagstæðari en gert hafði verið ráð fyrir.

Andvirði þessarar útgáfu, ásamt mjög sterkri eiginfjárstöðu fyrir hana, gerir stjórn bankans kleift að leggja til rúmlega 10 milljarða arðgreiðslu við hluthafafund sem boðaður hefur verið í byrjun júní. Þess utan gefur sterk eiginfjárstaða okkur mögulegt að stefna að allt að 4 milljarða endurkaupum á árinu, án þess að dregið sé úr áætlunum um lánavöxt né markmiðum um mikinn fjárhagslegan styrkleika.

23. október 2026

Kvika banki gefur út sértryggð skuldabréf í fyrsta sinn

12. október 2026

Kvika banki auglýsir eftir tilboðum í endurskoðunarþjónustu.

13. september 2026

Jón Birgir Jónsson ráðinn forstjóri Kviku banka

24. ágúst 2026

Kvika banki breytir vöxtum

19. ágúst 2026

Samstarf Kviku og UNICEF skilar meiru til barna

12. ágúst 2026

Afkoma Kviku banka á öðrum ársfjórðungi 2026

28. maí 2026

Kvika banki breytir vöxtum

12. maí 2026

Afkoma Kviku banka á fyrsta ársfjórðungi 2026

15. apríl 2026

Ekki verður af samruna Kviku banka og Arion banka

26. mars 2026

Kvika banki breytir vöxtum

26. febrúar 2026

Kvika ráðgjafi við sölu Evolv til Advania

11. febrúar 2026

Ársreikningur Kviku banka 2025

22. janúar 2026

Anna Rut Ágústsdóttir aðstoðarforstjóri Kviku banka

21. janúar 2026

Kvika banki hf. óskar eftir tilboðum í endurskoðun