Viðskiptabanki

Kvika býður fyrirtækjum og stofnunum alla almenna bankaþjónustu auk þess að fjármagna fyrirtæki og fjárfestingar viðskiptavina bankans. Einnig nýtir sviðið innviði bankans til þess að miðla lánum til annarra stofnanafjárfesta.

Kvika býður fyrirtækjum, stofnunum og fjárfestum upp á almenna bankaþjónustu en dagleg bankaviðskipti viðskiptavina fara að mestu fram í netbanka Kviku. Í netbankanum geta viðskiptavinir sinnt fjölbreyttum bankaviðskiptum auk þess að fylgjast með stöðu verðbréfasafna hvar og hvenær sem er. Þá býður Kvika úrval óbundinna og bundinna innlánsreikninga, bæði óverðtryggða og verðtryggða.

Kvika veitir sérhæfð útlán til fyrirtækja, stofnana og fjárfesta til fjármögnunar á t.d. fasteignum, fasteignaþróun, verðbréfaviðskiptum og öðrum fjárfestingum. Einnig nýtir sviðið innviði bankans til þess að miðla lánum til annarra stofnanafjárfesta. Þá veitir Kvika lán til fjármögnunar á ökutækjum, vélum og öðrum búnaði í gegnum vörumerkið Lykil.