Birkir hóf störf sem forstjóri TM í apríl 2023.
Áður gegndi Birkir stöðu framkvæmdastjóra kjarnastarfsemi og stafrænna lausna hjá tryggingafélaginu VÍS. Einnig hefur Birkir starfað sem framkvæmdastjóri fjármála og reksturs hjá greiðslumiðlunarfyrirtækinu Valitor, í fyrirtækjaráðgjöf Arion banka og sem lögmaður hjá Lögmönnum Höfðabakka.
Birkir er með embættispróf í lögfræði frá Háskóla Íslands, meistaragráðu í fjármálum fyrirtækja frá Háskólanum í Reykjavík og stundar stjórnunarnám (AMP) við viðskiptaháskólann IESE í Barcelona. Auk þess hefur Birkir lokið prófi í verðbréfaviðskiptum og aflað sér réttinda sem héraðsdómslögmaður.