KVIKAxi: Óverðtryggt

Almennt

Ríkisskuldabréfavísitölur Kviku (KVIKAGOVI) eru reiknaðar af Kviku banka hf. Vísitalan sýnir heildarávöxtun útgefinna ríkisbréfa og íbúðabréfa með ábyrgð ríkis sem gefin eru út í íslenskum krónum, hlutfallsvigtað miðað við markaðsverðmæti hvers bréfs. Heildarávöxtun (e. total return) endurspeglar verðbreytingu undirliggjandi bréfa ásamt vaxtagreiðslum og afborgunum.

Aðferðafræði

Uppbygging

Ríkisskuldabréfavísitölur Kviku sýna heildarávöxtun á ríkisskuldabréfamarkaði. Vísitölurnar eru þrjár en þær skiptast í eina yfirvísitölu (KVIKAGOVI) og tvær undirvísitölur – verðtryggðan hluta (KVIKAi), og óverðtryggðan hluta (KVIKAxi).

Undirliggjandi gögn og birting gagna

Vísitölurnar eru reiknaðar út frá opinberu lokagengi hvers dags eins og það birtist á NASDAQ OMX Iceland. Það tryggir gagnsæi og áreiðanleika vísitalnanna. Skuldabréf í Ríkisskuldabréfavísitölu Kviku þurfa að vera með samning um skipulega viðskiptavakt og hafa lokagjalddaga lengri en 6 mánuði. Þessi skilyrði þurfa að vera uppfyllt á endurstillingardegi*.

Á fyrsta viðskiptadegi hvers mánaðar eru vísitölurnar endurstilltar, þ.e. of stutt skuldabréf detta út og ný skuldabréf koma inn. Hlutfallsvigtir skuldabréfa eru reiknaðar daglega miðað við markaðsverð og nafnverð útistandandi bréfa. Kvika birtir vísitölurnar í lok hvers viðskiptadags.

Reikniformúlur

Vigt skuldabréfa

Vigt hvers skuldabréfs, Vi, er stillt daglega í samræmi við hlutfallslegt markaðsverðmæti þess við lokun markaða þann dag. Vigtir eru reiknaðar með tólf aukastöfum:

þar sem Pi[t] er uppgjörsverð (e. dirty price) á skuldabréfi i við lokun markaða á tíma t, þ.e. hreint verð auk uppsafnaðra vaxta og verðbóta en Ni[t] er útistandandi nafnverðshöfuðstóll skuldabréfs i á tíma t.

Útreikningur vísitölunnar

Vísitölugildið, G, er reiknað út sem vigtuð markaðsverðmætaaukning hvers bréfs að meðtöldum vaxtagreiðslum og afborgunum á líftíma bréfs:

Þar sem Ci er sjóðstreymi af skuldabréfi i á tíma t, þ.e. vaxtagreiðslur og afborganir ásamt verðbótum þegar það á við.

*Aðferðafræðinni var breytt 1. september 2020. Nú eru vigtir uppfærðar daglega en áður voru þær ákvarðaðar í upphafi mánaðar og voru fastar út þann mánuð.