Hlutabréfavísitalan KVIKAeqcap

Almennt

Hlutabréfavísitala Kviku (KVIKAeqcap) er reiknuð af Kviku banka hf. Vísitalan er með takmarkanir ólíkt KVIKAEQI vísitölunni, á endurstillingardegi er hámarksvigt stærsta hlutabréfs í vísitölunni 25% og 15% fyrir önnur hlutabréf. Þetta er gert í tvennum tilgangi, annars vegar til að ná betri eignadreifingu og hins vegar til að falla innan fjárfestingarheimilda verðbréfa- og fjárfestingarsjóða.

Aðferðafræði

Uppbygging

Vísitalan sýnir heildarávöxtun hlutabréfa á aðallista NASDAQ OMX Iceland. Heildarávöxtun þýðir að arðgreiðslur eru endurfjárfestar aftur í vísitölunni. KVIKAeqcap er markaðsvegin vísitala, sem þýðir að valið er í vísitöluna eftir markaðsvirði með tilliti til ofangreindra hámarksvigta.

Endurstilling vísitölunnar á sér stað tvisvar á ári, 1. mars og 1. september, byggt á markaðsupplýsingum viðskiptadagsins á undan.

Gjaldgeng í vísitöluna eru þau fyrirtæki sem:

• Eru skráð á aðallista NASDAQ OMX Iceland
• Gefa út hlutabréf sín í krónum
• Eru með samning um viðskiptavakt

Undirliggjandi gögn og birting gagna

Vísitölurnar eru reiknaðar út frá opinberu lokagengi hvers dags eins og það birtist á NASDAQ OMX Nordic Exchange. Það tryggir gagnsæi og áreiðanleika vísitalnanna. Kvika birtir vísitöluna í lok hvers viðskiptadags.

Reikniformúlur

Vigt hlutabréfa

Endurstillingardagur

Vigt hvers hlutabréfs, Vi, er stillt á endurstillingardegi í samræmi við hlutfallslegt markaðsverðmæti þess við lokun markaða síðasta viðskiptadag á undan. Vigtir eru reiknaðar með tólf aukastöfum:

þar sem Pi[t0] er opinbert lokaverð á hlutabréfi i við lokun markaða á tíma t0 en Ni[t0] er fjöldi útistandandi hluta i á tíma t0. Endurstillingardagurinn er táknaður t1 og síðasti viðskiptadagur þar á undan t0.

Ef hlutabréf fara yfir hámarksvigtir, það er 25% fyrir stærsta og 15% fyrir önnur, þá dreifist umframvigt þeirra hlutfallslega á önnur hlutabréf. Þetta er endurtekið þangað til að öll hlutabréf eru innan hámarksvigta.

Milli endurstillingardaga

Vigtir hlutabréfa eru fljótandi, bréf sem hækka hlutfallslega meira fá meiri vigt. Arðgreiðslum er dreift í réttu hlutfalli  á hlutabréf í vísitölunni, og má því segja að þeim sé fjárfest í vísitölunni sjálfri.  Ef stærsta hlutabréfið fer yfir 35% milli endurstillingardaga þá skal færa vigtina niður í 25% og umframvigt dreifist hlutfallslega á önnur hlutabréf. Ef önnur hlutabréf fara yfir 20% þá er vigt þeirra færð niður í 15% og umframvigt dreift hlutfallslega á önnur hlutabréf. Þetta er endurtekið þangað til að öll hlutabréf eru innan hámarksvigta.

Útreikningur vísitölunnar

Vísitölugildið, G, er reiknað út sem vigtuð markaðsverðmætaaukning hvers bréfs að meðtöldum greiðslum sem fara til hluthafa:

Þar sem Ci er sjóðstreymi af hlutabréfi i á tíma t, svo sem arðgreiðslur eða aðrar sambærilegar greiðslur til hluthafa þegar t er arðleysisdagur.