KVIKAc: Fyrirtækjaskuldabréf

Almennt

Vísitala fyrirtækjaskuldabréfa Kviku (KVIKAc) er reiknuð af Kviku banka hf. Vísitalan nær yfir markað skráðra fyrirtækjaskuldabréfa, hvort sem bréfin eru með samning um skipulega viðskiptavakt eða ekki og eru gefin út í íslenskum krónum.

Aðferðafræði

Undirliggjandi gögn og birting gagna

Vísitalan er reiknuð út frá opinberu lokagengi hvers dags eins og það birtist á NASDAQ OMX Iceland. Eingöngu skuldabréf þar sem verðmyndandi viðskipti hafa átt sér stað eru gjaldgeng í vísitöluna. Með verðmyndandi viðskiptum er átt við viðskipti sem mynda opinbert dagslokaverð. Ef engin verðmyndandi viðskipti hafa átt sér stað frá útgáfu þá er ekki mögulegt að reikna vigt á viðkomandi bréf og því ekki gjaldgengt í vísitöluna. Dæmi: Skuldabréf sem selt er á frumútboði en ekki hafa átt sér stað verðmyndandi viðskipti með það á eftirmarkaði, telur ekki inn í vísitöluna.

Þetta tryggir gagnsæi og áreiðanleika vísitölunnar. Skuldabréf í vísitölu fyrirtækjaskuldabréfa Kviku þurfa að hafa lokagjalddaga lengri en 6 mánuði á endurstillingardegi.

Á fyrsta viðskiptadegi hvers mánaðar er vísitalan endurstillt, þ.e. of stutt skuldabréf detta út og ný skuldabréf koma inn. Hlutfallsvigtir skuldabréfa eru reiknaðar daglega miðað við markaðsverð og nafnverð útistandandi bréfa. Kvika birtir vísitöluna í lok hvers viðskiptadags.

Reikniformúlur

Vigt skuldabréfa

Vigt hvers skuldabréfs, Vi, er stillt daglega í samræmi við hlutfallslegt markaðsverðmæti þess við lokun markaða þann dag. Vigtir eru reiknaðar með tólf aukastöfum:

þar sem Pi[t] er uppgjörsverð (e. dirty price) á skuldabréfi i við lokun markaða á tíma t, þ.e. hreint verð auk uppsafnaðra vaxta og verðbóta en Ni[t] er útistandandi nafnverðshöfuðstóll skuldabréfs i á tíma t.

Útreikningur vísitölunnar

Vísitölugildið, G, er reiknað út sem vigtuð markaðsverðmætaaukning hvers bréfs að meðtöldum vaxtagreiðslum og afborgunum á líftíma bréfs:

Þar sem Ci er sjóðstreymi af skuldabréfi i á tíma t, þ.e. vaxtagreiðslur og afborganir ásamt verðbótum þegar það á við.