Guðjón Reynisson var kjörinn í stjórn Kviku í mars 2018. Guðjón er fæddur árið 1963 og er í dag sjálfstætt starfandi fjárfestir og stjórnarmaður. Á árunum 2008-2017 starfaði hann sem forstjóri Hamleys of London. Á árunum 2003-2008 gegndi hann stöðu framkvæmdastjóra 10-11 verslananna. 1998-2003 var hann framkvæmdastjóri sölusviðs Tals. Guðjón hlaut MBA gráðu frá Háskóla Íslands 2002, lauk rekstrar- og viðskiptanámi frá Endurmenntunarstofnun Háskóla Íslands 1999 og útskrifaðist með Íþróttakennararéttindi á grunn– og framhaldsskólastigi frá Íþróttakennaraskóla Íslands 1986.

Guðjón hefur setið í stjórn Festi hf. frá 2014, í stjórn Securitas hf. frá 2018 og í stjórn Dropp ehf. frá 2020. Árið 2024 tók Guðjón jafnframt sæti í stjórn framtakssjóðsins Harpa Capital Partners II. Guðjón ræður yfir 10.410.789 hlutum í Kviku gegnum einkahlutafélag sitt Hakk ehf., en hefur ekki hagsmunatengsl við helstu viðskiptaaðila, samkeppnisaðila eða stóra hluthafa í skilningi leiðbeininga um stjórnarhætti fyrirtækja, og telst jafnframt vera óháður bankanum í skilningi leiðbeininganna.