Helstu atriði í afkomu fyrsta ársfjórðungs

• Hagnaður eftir skatta nam 2.086 m.kr. á 1F 2025, samanborið við 1.083 m.kr. á 1F 2024 og eykst um 1.003 m.kr. eða 92,6%.
• Hagnaður fyrir skatta af áframhaldandi starfsemi, leiðréttur fyrir einskiptisliðum, nam 1.590 m.kr. á 1F 2025, samanborið við 1.215 m.kr. á 1F 2024 og hækkar því um 375 m.kr. frá fyrra ári eða 31%. Óleiðréttur hagnaður fyrir skatta á fjórðungnum nam 701 m.kr.
• Hreinar vaxtatekjur námu 2.917 m.kr. á 1F 2025, samanborið við 2.326 m.kr. á 1F 2024 og hækkuðu því um 590 m.kr. frá fyrra ári eða 25,4%.
• Vaxtamunur var 4,4% á 1F 2025, samanborið við 3,8% á 1F 2024. Hækkun vaxtamunar á milli ára skýrist m.a. af sterkri lausafjárstöðu, betri fjármögnunarkjörum og stækkun lánasafns á milli ára.
• Hreinar þóknanatekjur voru 1.520 m.kr. á 1F 2025, samanborið við 1.633 m.kr. á 1F 2024 og lækkuðu því um 113 m.kr. frá fyrra ári eða 6,9%.
• Aðrar hreinar rekstrartekjur námu 12 m.kr. á 1F 2025 samanborið við 110 m.kr. á 1F 2024 og lækkuðu því um 98 m.kr. frá fyrra ári eða 89,1%.
• Rekstrarkostnaður nam 3.090 m.kr. á 1F 2025, samanborið við 2.666 m.kr. á 1F 2024 og eykst um 424 m.kr. frá fyrra ári eða 15,9%. Rekstrarkostnaður leiðréttur fyrir einskiptisliðum nam 2.865 m.kr. á 1F 2025.
• Arðsemi efnislegs eigin fjár (RoTE) fyrir skatta, leiðrétt fyrir einskiptisliðum,var 17,7%. Arðsemi efnislegs eigin fjár fyrir skatta af afkomu samkvæmt rekstrarreikningi var 7,8%.
• Hagnaður á hlut nam 0,45 kr. á 1F 2025, samanborið við 0,23 kr. á 1F 2024.

Afkoma af eignum haldið til sölu:

• Afkoma eigna haldið til sölu eftir skatta samanstendur af hagnaði af sölu TM trygginga hf. auk tengdra tekna og kostnaðar.

Helstu atriði efnahags þann 31.3.2025:

• Innlán frá viðskiptavinum námu 168 ma.kr., samanborið við 163 ma.kr. í lok árs 2024 og jukust um 2,8% á ársfjórðungnum.
• Útlán til viðskiptavina voru 161 ma.kr., samanborið við 150 ma.kr. í lok árs 2024 og jukust um 6,9% á ársfjórðungnum.
• Heildareignir námu 343 ma.kr., samanborið við 355 ma.kr. í lok árs 2024 og minnka um 3,4% á ársfjórðungnum
• Eigið fé samstæðunnar var 68 ma.kr., samanborið við 90 ma.kr. í lok árs 2024 og lækkar verulega í kjölfar sölu á TM en á uppgjörsdegi lá fyrir samþykki
• hluthafafundar fyrir sérstakri arðgreiðslu sem ekki hafði verið greidd út. Arðgreiðslan er færð sem ógreidd arðgreiðsla meðal annarra skulda.
• Eiginfjárhlutfall samstæðunnar (CAR) var 23,9%, samanborið við 22,8% í lok árs
• 2024. Hlutfallið tekur tillit til óendurskoðaðs hagnaðar fjórðungsins en
• eiginfjárhlutfall samkvæmt reglum Fjármálaeftirlits Seðlabanka Íslands var 23,0% í lok mars 2025.
• Heildar lausafjárþekjuhlutfall (LCR) samstæðunnar var 279%, samanborið við 360% í lok árs 2024.
• Heildareignir í stýringu námu 441 ma.kr., samanborið við 456 ma.kr. í lok árs 2024.

Ármann Þorvaldsson, forstjóri Kviku:

„Rekstur bankans gekk vel á fyrsta ársfjórðungi, að teknu tilliti til einskiptisliða. Hreinar

vaxtatekjur jukust um fjórðung en kostnaður jókst minna og má þar nefna að launakostnaður

jókst um tæp 5%. Annar kostnaður jókst hins vegar á milli ára og litaðist meðal annars af

kostnaði sem féll til við sölu á TM.

Gengið var endanlega frá sölu á tryggingafélaginu TM til Landsbankans. Stór hluti

söluandvirðis TM, sem nam rúmlega 32 milljörðum króna, var greiddur út til hluthafa með

arðgreiðslu og kaupum á eigin hlutabréfum. Verulegur hlutur situr hins vegar eftir sem eigið fé

í bankanum og mun leggja grunninn að vexti bankans á næstu árum.

Þá var lokið endanlega við kaup á hlut stjórnenda í Ortus Secured Finance og á bankinn nú allt

hlutafé í félaginu. Þessi kaup gera okkur kleift að samþætta bresku starfsemina okkar, lækka

kostnað, endurfjármagna óhagkvæmari erlendar skuldir og leggja grunninn að frekari vexti í

Bretlandi.

Einskiptisliðir vegna þessara viðskipta höfðu umtalsverð áhrif á rekstrartölur bankans á

ársfjórðungnum, en ef horft er framhjá þeim liðum, var afkoma af reglubundinni starfsemi

fyrir skatta prýðileg.

Mikil aukning var á hreinum vaxtatekjum á milli ára, eða sem nemur rúmlega 25%.

Aukninguna má rekja til stækkunar lánabókar, lækkunar fjármagnskostnaðar og tímabundið

hárrar lausafjárstöðu í kjölfar sölu á TM, sem lækkaði aftur í kjölfar arðgreiðslu í apríl. Sá

hluti söluverðsins, sem eftir situr í bankanum, mun hins vegar skila áfram ávöxtun og því má

ætla að vaxtatekjur verði áfram sterkar.

Þóknanatekjur og fjárfestingatekjur báru merki erfiðrar tíðar á verðbréfamörkuðum og þar

varð lítillegur samdráttur á milli ára. Þá hefur gengið ágætlega að halda aftur af

kostnaðaraukningu, ef horft er fram hjá einskiptisliðum, og fjöldi starfsfólks er óbreyttur frá

síðasta ársfjórðungi.

Kvika er nú í öfundsverðri stöðu til að sækja fram og vaxa, líkt og áætlanir bankans gera ráð

fyrir. Bankinn er með afar sterka eiginfjár- og lausafjárstöðu eftir söluna á TM og stöðugar

vaxtatekjur hafa komið í stað sveiflukenndari tekna af tryggingastarfsemi. Innviðir bankans,

sem hafa verið aðlagaðir að brottför TM úr samstæðunni, eru öflugir og skalanlegir, sem

leggur góðan grunn að framsókn okkar á Íslandi og í Bretlandi. “

Kynningarfundur og fjárfestakynning

Kynningarfundur fyrir hluthafa og markaðsaðila verður haldinn fimmtudaginn 8. maí kl. 08:30 í höfuðstöðvum bankans á 9. hæð í Katrínartúni.

Fundinum verður jafnframt streymt á íslensku.

Horfa á streymi

Hægt er að senda tölvupóst með spurningum fyrir fund eða á meðan honum stendur á fjarfestatengsl@kvika.is eða í gegnum Slido appið.

Fjárfestakynning