Störf í boði hjá Kviku banka

Starfsreglur og stjórnarhættir

Sjálfbærni

Vextir og verðskrá

Séreignasparnaður

Organization chart

Corporate Governance

Skipurit

Reglur og skilmálar

Subsidiaries

Ávöxtunarleiðir séreignarsparnaðar

Jafnréttisstefna

Jólagjöf Kviku 2025

Commercial bank

Um Kviku

Ársreikningar dótturfélaga Kviku

About Kvika

Meðferð kvartana

PSD2 and test environment

Fjárfestingarbanki

FrumkvöðlaAuður

Media

Viðskiptabanki

Mannauður

Mannauðsstefna

Tilnefningarnefnd

Undirnefndir stjórnar og endurskoðun

Hlutafjárútboð Íslandsbanka

PSD2 og prófunarumhverfi

Sustainability

Erlend greiðslufyrirmæli

Commercial Banking

Standard Settlement Instructions

Dótturfélög

Upplýsingagjöf tengd sjálfbærni á sviði fjármálaþjónustu (SFDR)

Fjölmiðlar

General Terms and Policies

Fjárfestadagur Kviku

Aur - Netöryggi

Kynning á uppgjöri

Netgíró - Netöryggi

Kvika - Netöryggi

Stjórn og stjórnarhættir

Kvika verðbréf

Investment Banking & Capital Markets

Áreiðanleikakönnun lögaðila

Skiptiþjónusta

Test

Kynning á uppgjöri 2023

Skilmálar og persónuverndarstefna

Áreiðanleikakönnun einstaklinga

Reports

Sjálfbærnióskir

Kreditkort Kviku

Remote work policy

Kynning á uppgjöri 2022

Skýrslur og úttektir

Apple Pay

Google Pay

Söguleg gögn TM og Lykils

Skilmálar Kvika Verðbréf

Kvika's Cookie Policy Terms and Conditions

Upplýsingar vegna FATCA

Upplýsingaöryggisstefna

Skilmálar Kviku um notkun á vefkökum

Slice Showcase

Fjarvinnustefna

Skilmálar: Kvika verðbréf

Áreiðanleikakönnun söluaðila Netgíró og Aur

Stefna Kviku

Könnun

Gjaldeyrir

Tilhlýðileikamat

Fyrirtækjaráðgjöf

Fyrirvari um tölvupost

Bankasvið

Markaðir

Sterk auðkenning

Tölvupóstur

Shareholder meetings

Community

Fjárfestingar og viðskiptahættir

Kvika's Strategy

Human Resources

Investments and business practices

Samfélagið

Kvika Bank’s Green Financing Framework

Á stjórnarfundi þann 11. febrúar 2026 samþykktu stjórn og forstjóri ársreikning samstæðu Kviku banka hf. fyrir árið 2025.

Helstu atriði ársreiknings og afkomu 2025:

Hagnaður fyrir skatta af áframhaldandi starfsemi nam 6.217 m.kr. á árinu 2025, samanborið við 5.817 m.kr. árið 2024 og eykst um 400 m.kr. eða 6,9%. Hagnaður fyrir skatta af áframhaldandi starfsemi leiðréttur fyrir einskiptisliðum á fyrsta og fjórða ársfjórðungi nam 7.296 m.kr., og hækkar því um 25,4%.

Hagnaður af áframhaldandi starfsemi samstæðunnar eftir skatta nam 4.363 m.kr. á árinu 2025, samanborið við 4.690 m.kr. árið 2024 og minnkar um 327 m.kr. eða 7,0%.

Hreinar vaxtatekjur námu 11.896 m.kr. á árinu 2025, samanborið við 9.681 m.kr. árið 2024 og hækkuðu um 2.215 m.kr. frá fyrra ári eða 22,9%.

Vaxtamunur var 4,1% á árinu 2025, samanborið við 3,9% árið 2024.

Hreinar þóknanatekjur námu 6.291 m.kr. á árinu 2025, samanborið við 6.137 m.kr. árið 2024 og hækkuðu um 155 m.kr. frá fyrra ári eða 2,5%.

Aðrar rekstrartekjur námu 1.223 m.kr. á árinu 2025, samanborið við 1.367 m.kr. árið 2024 og lækkuðu um 144 m.kr. frá fyrra ári eða 10,5%.

Rekstrarkostnaður nam 12.074 m.kr. á árinu 2025, samanborið við 10.608 m.kr. árið 2024 og hækkar um 1.466 m.kr. frá fyrra ári eða 10,5%.

Arðsemi efnislegs eigin fjár (RoTE) fyrir skatta af áframhaldandi starfsemi nam 14,5% á árinu 2025, samanborið við 18,8% árið 2024.

Hagnaður á hlut nam 0,97 kr. á árinu 2025, samanborið við 1,0 kr. af áframhaldandi starfsemi árið 2024.

Afkoma eigna haldið til sölu eftir skatta samanstendur eingöngu af rekstri TM trygginga hf. sem rekið var sem eign haldið til sölu frá 1. janúar til 28. febrúar 2025 þegar félagið var selt. Afkoman er samandregin í einni línu í rekstrareikningi og nam 1.901 milljón króna á árinu 2025, samanborið við 3.460 m.kr. árið 2024.

Innlán frá viðskiptavinum námu 173 ma.kr. í lok árs 2025, samanborið við 163 ma.kr. í lok árs 2024 og jukust um 5,8% á árinu.

Útlán til viðskiptavina voru 208 ma.kr. í lok árs 2025, samanborið við 150 ma.kr. í lok árs 2024 og jukust um 38,2% á árinu.

Heildareignir námu 343 ma.kr. í lok árs 2025, samanborið við 355 ma.kr. í lok árs 2024.

Eigið fé samstæðunnar var 69 ma.kr. í lok árs 2025, samanborið við 90 ma.kr. í lok árs 2024.

Eiginfjárhlutfall samstæðunnar (CAR) var 26,8% í lok árs 2025, samanborið við 22,8% í lok árs 2024.

Heildar lausafjárþekjuhlutfall (LCR) samstæðunnar var 404% í lok árs 2025, samanborið við 360% í lok árs 2024.

Heildareignir í stýringu námu 469 ma.kr., samanborið við 456 ma.kr. í lok árs 2024.

Helstu atriði í afkomu fjórða ársfjórðungs (4F 2025)

Hagnaður fyrir skatta nam 1.522 m.kr. á 4F 2025, samanborið við 1.601 m.kr. á 4F 2024 og minnkar um 78 m.kr. eða 4,9%.

Hagnaður af áframhaldandi starfsemi samstæðunnar eftir skatta nam 1.266 m.kr. á 4F 2025, samanborið við 1.528 m.kr. á 4F 2024 og minnkar um 262 m.kr. eða 17,1%.

Hreinar vaxtatekjur námu 3,065 m.kr. á 4F 2025, samanborið við 2.498 m.kr. á 4F 2024 og hækkuðu því um 567 m.kr. eða 22,7%.

Vaxtamunur var 4,3% á 4F 2025, samanborið við 3,8% á 4F 2024.

Hreinar þóknanatekjur voru 1.265 m.kr. á 4F 2025, samanborið við 1.601 m.kr. á 4F 2024 og minnkuðu því um 336 m.kr. eða 21,0%.

Aðrar rekstrartekjur námu 642 m.kr. á 4F 2025 samanborið við 567 m.kr. á 4F 2024 og hækkuðu því um 75 m.kr. eða 13,2%.

Rekstrarkostnaður nam 3.263 m.kr. á 4F 2025, samanborið við 2.864 m.kr. á 4F 2024 og eykst um 399 m.kr. frá fyrra ári eða 13,9%.

Arðsemi efnislegs eigin fjár (RoTE) fyrir skatta á 4F 2025 var 13,2%.

Hagnaður á hlut nam 0,29 kr. á 4F 2025, samanborið við 0,33 kr. af áframhaldandi starfsemi á 4F 2024.

Stjórn bankans leggur til að greiddur verði 0,36 króna arður á hlut eða 1.566 milljónir króna, að teknu tilliti til eigin bréfa, á árinu 2026 vegna rekstrarársins 2025. Arðgreiðslan nemur 25% af hagnaði samstæðu Kviku eftir skatta sem er til samræmis við arðgreiðslustefnu bankans. Ennfremur mun stjórn íhuga að greiða út sérstakan arð og/eða framkvæma frekari endurkaup á eigin bréfum síðar á árinu eða á næsta aðalfundi bankans.

Í tilefni af fyrirhuguðum arðgreiðslum hafa Kvika og Arion banki hf. undirritað viðauka við áformabréf um samruna félaganna frá því í júlí 2025. Í viðaukanum er ráðgert að skiptihlutföll í samrunanum verði aðlöguð til samræmis við arðgreiðslurnar þannig að efnahagslegar forsendur samrunans, eins og þær lágu til grundvallar við undirritun áformabréfsins, raskist ekki.

„Árið 2025 var bæði farsælt og viðburðaríkt, bankinn uppskar traustan rekstrarárangur, kynnti til sögunnar nýjungar og raungerði þau markmið sem sett voru fram á Fjárfestadegi Kviku í lok árs 2024.

Afkoma bankans á árinu 2025 er góð, auknar vaxtatekjur eru áberandi og má rekja þær bæði til stækkandi lánabókar hér heima og í Bretlandi sem og til hagstæðrar fjármögnunar. Áfangar á árinu voru ófáir, kynnt var til sögunnar ný íbúðalánavara undir merkjum Auðar, fjárfestingasjóðurinn Harpa lauk sínu fyrsta rekstrarári, gefið var út fyrsta skuldabréf bankans í evrum og fyrirtækjaráðgjöf stýrði afar vel heppnuðu útboði á eftirstandandi hlut ríkisins í Íslandsbanka. Bankinn fagnaði svo í

október 10 ára afmæli sínu í núverandi mynd og við þau tímamót var merkilegt að fara yfir þann árangur sem náðst hefur og þá miklu umbreytingu sem orðið hefur á rekstri bankans.

Í kjölfar sölu bankans á TM skilaði Kvika til hluthafa mestu fjármunum í sögu félagsins, samtals 27 milljörðum í formi arðgreiðslna og endurkaupa. Eiginfjárstaða við lok árs er engu að síður gríðarlega sterk og hefur bankinn getu til að skila allt að 15 milljörðum króna til hluthafa á árinu 2026 í formi arðgreiðslna eða endurkaupa án þess að raska vaxtarmarkmiðum eða fjárhagslegum styrk félagsins. Frekari ákvarðanir um útgreiðslur verða teknar þegar línur skýrast í samrunaviðræðum.

Samrunaferli við Arion banka hefur dregist lengur en við hefðum óskað en viðræður við samkeppnisyfirvöld halda áfram og miðar ágætlega”

Kynningarfundur fyrir hluthafa og markaðsaðila verður haldinn fimmtudaginn 12. febrúar kl. 08:30 í höfuðstöðvum bankans á 9. hæð í Katrínartúni 2, 105 Reykjavík. Fundinum verður jafnframt streymt. 

Farsælt og viðburðaríkt ár að baki - traustur rekstrarárangur og mikil aukning vaxtatekna 

Ársreikningur Kviku banka 2025

Kvika banki hefur ráðið Önnu Rut Ágústsdóttur í starf aðstoðarforstjóra bankans. Anna Rut mun sinna starfinu samhliða hlutverki sínu sem framkvæmdastjóri rekstrar- og þróunarsviðs bankans og þannig styðja við áframhaldandi stjórnun og framkvæmd stefnumarkandi verkefna bankans.

Anna Rut hefur starfað innan Kviku samstæðunnar frá stofnun bankans árið 2015 og hjá forverum hans frá árinu 2007. Hún býr yfir víðtækri reynslu af starfsemi bankans og hefur sinnt fjölbreyttum störfum innan samstæðunnar. Áður en hún tók við starfi framkvæmdastjóra rekstrar- og þróunarsviðs árið 2022 var hún forstöðumaður fjármála og rekstrar hjá Kviku eignastýringu. Þar áður gegndi hún ýmsum lykilhlutverkum, meðal annars sem forstöðumaður á skrifstofu forstjóra og forstöðumaður viðskiptatengsla hjá Kviku auk þess sem hún starfaði um árabil á sviði áhættustýringar og eignaumsýslu. Anna Rut er með BSc gráðu í viðskiptafræði og MCF gráðu í fjármálum fyrirtækja frá Háskólanum í Reykjavík og hefur lokið prófi í verðbréfaviðskiptum.

Ráðning Önnu Rutar er liður í því að styrkja skipulag bankans og tryggja samfellu, skýra verkaskiptingu og öfluga framkvæmd á mikilvægum tímamótum í starfsemi Kviku banka. Með ráðningunni skapast aukið svigrúm fyrir Ármann Þorvaldsson, forstjóra Kviku, til að einbeita sér að stefnumótandi verkefnum, þar á meðal samrunaviðræðum við Arion banka, en forviðræður við Samkeppniseftirlitið standa enn yfir.

Kvika banki hefur ráðið Önnu Rut Ágústsdóttur í starf aðstoðarforstjóra bankans.

Anna Rut Ágústsdóttir aðstoðarforstjóri Kviku banka

Kvika banki hf. auglýsir hér með opið útboð á endurskoðunarþjónustu fyrir bankann og dótturfélög hans vegna fjárhagsársins 2026. Vegna yfirstandandi samrunaviðræðna við Arion banka hf. nær útboðið eingöngu til endurskoðunar eins árs.

Útboðið er opið en til að bjóðendur komi til greina sem ytri endurskoðendur Kviku þurfa þeir að uppfylla eftirfarandi skilyrði:

Endurskoðunarfyrirtæki skal hafa starfsleyfi samkvæmt 4. gr. laga nr. 94/2019 um endurskoðendur, hafa starfsstöð á Íslandi auk þess að vera aðili að alþjóðlegu tengslaneti

Endurskoðað skal í samræmi við Alþjóðlega endurskoðunarstaðla

Endurskoðunarfyrirtækið skal vera óháð Kviku banka og dótturfélögum

Gert er ráð fyrir að tillaga um val á endurskoðendum verði lögð fyrir aðalfund bankans í mars næstkomandi og byggi hún á niðurstöðum útboðsferlisins. Kvika áskilur sér rétt til að taka hvaða tilboði sem er eða hafna öllum tilboðum.

Fyrir nánari upplýsingar skal senda fyrirspurn á netfangið eirikur.jensson@kvika.is

Væntanlegir tilboðsgjafar skulu tilkynna um þátttöku sína í fyrir kl. 16:00 þann 27. janúar 2025, með skilaboðum þess efnis á sama netfang. Þann dag verða útboðsgögn afhent þeim tilboðsgjöfum sem uppfylla skilyrði útboðsins, eftir að undirrituð hefur verið trúnaðaryfirlýsing 

Tilboðsgjafar hafa frest til og með 6. febrúar 2026 til að skila inn endanlegu tilboði.

Kvika banki hf. auglýsir hér með opið útboð á endurskoðunarþjónustu fyrir bankann og dótturfélög hans vegna fjárhagsársins 2026.

Kvika banki hf. óskar eftir tilboðum í endurskoðun

Seðlabanki Íslands tilkynnti 25. ágúst 2025 um breytingar á reglum um millibankagreiðslukerfi bankans, sem nú hafa verið birtar í Stjórnartíðindum.

Breytingin felur í sér að gamlársdagur telst ekki lengur viðskiptadagur samkvæmt reglum nr. 1030/2020 um millibankagreiðslukerfið.

Við hvetjum því viðskiptavini okkar til að klára greiðslur, sem eiga að tilheyra árinu 2025, þann 30. desember nk.

Gamlársdagur ekki lengur viðskiptadagur

Í kjölfar vaxtaákvörðunar Seðlabanka Íslands 19. nóvember 2025 þar sem meginvextir lækkuðu um 0,25%, lækkar Kvika banki vexti.

Ný vaxtatafla tekur gildi föstudaginn 21.11.2025.

Vextir á óverðtryggðum innlánum lækka um 0,25%

Vextir á yfirdráttarlánum og greiðsludreifingum lækka um 0,25%

Vextir á reikningum í erlendum myntum lækka um allt að 0,20%, mismunandi eftir myntum og þeim breytingum sem hafa átt sér stað á stýrivöxtum og markaðsvöxtum viðkomandi myntar

Breytingar á vöxtum greiðslureikninga sem falla undir lög um greiðsluþjónustu taka gildi að tveimur mánuðum liðnum í samræmi við 7. kafla almennra viðskiptaskilmála Kviku og 2. mgr. 56. gr. laga nr. 114/2021 um greiðsluþjónustu.

Kvika banki breytir vöxtum

Alveg frá fyrsta degi hafa húsnæðislánavextir hjá Auði verið beintengdir þróun stýrivaxta Seðlabanka Íslands.

Auður hefur því lækkað vexti á húsnæðislánum sínum um 0,25 prósentustig í kjölfar ákvörðunar Seðlabanka Íslands í dag um að lækka stýrivexti. Breytingin tekur gildi frá og með deginum í dag.

Ármann Þorvaldsson forstjóri Kviku banka

„Frá upphafi höfum við lagt áherslu á gagnsæi og einfalt fyrirkomulag á húsnæðislánum Auðar þar sem vextir fylgja breytingum Seðlabankans. Með þessu fyrirkomulagi fær fólk lægri vexti strax þegar stýrivextir lækka. Þetta teljum við vera einfalt, skýrt og til hagsbóta fyrir heimilin.”

Nýja vaxtaprósentan er aðgengileg inn á audur.is

Yfirlit yfir þróun vaxta má finna hér

Auður hefur lækkað vexti á húsnæðislánum sínum um 0,25 prósentustig í kjölfar ákvörðunar Seðlabanka Íslands í dag um að lækka stýrivexti. Breytingin tekur gildi frá og með deginum í dag.

Auður lækkar vexti húsnæðislána

Helstu atriði í afkomu þriðja ársfjórðungs (3F 2025):

Hagnaður fyrir skatta nam 1.969 m.kr., samanborið við 1.813 m.kr. á 3F 2024 og hækkaði því um 156 m.kr. eða 8,6%.

Hagnaður af áframhaldandi starfsemi samstæðunnar eftir skatta nam 1.472 m.kr. á 3F 2025, samanborið við 1.398 m.kr. á 3F 2024 og hækkaði um 74 m.kr. eða 5,3%.

Hreinar vaxtatekjur námu 2.953 m.kr. á 3F 2025, samanborið við 2.429 m.kr. á 3F 2024 og hækkuðu um 524 m.kr. eða 21,6%.

Vaxtamunur var 4,0% á 3F 2025, samanborið við 3,7% á 3F 2024.

Hreinar þóknanatekjur voru 1.571 m.kr. á 3F 2025, samanborið við 1.552 m.kr. á 3F 2024 og hækkuðu um 19 m.kr. eða 1,2%,

Aðrar rekstrartekjur námu 338 m.kr. á 3F 2025, samanborið við 474 m.kr. á 3F 2024. og lækkuðu um 136 m.kr.

Rekstrarkostnaður nam 2.740 m.kr. á 3F 2025, samanborið við 2.344 m.kr. á 3F 2024 og jókst um 396 m.kr. eða 16,9%

Arðsemi efnislegs eigin fjár (RoTE) fyrir skatta á 3F 2025 var 17,8%.

Hagnaður á hlut nam 0,33 kr. á 3F 2025, samanborið við 0,30 kr. af áframhaldandi starfsemi á 3F 2024.

Innlán frá viðskiptavinum námu 178 milljörðum króna í lok tímabilsins, samanborið við 163 ma.kr. í lok árs 2024 og jukust um 9,2% á tímabilinu

Útlán til viðskiptavina voru 196 milljarðar króna í lok tímabilsins, samanborið við 150 ma.kr. í lok árs 2024 og jukust um 30,7% á tímabilinu

Heildareignir námu 353 milljörðum króna í lok tímabilsins, samanborið við 355 ma.kr. í lok árs 2024.

Eigið fé samstæðunnar var 68 milljarðar króna í lok tímabilsins, samanborið við 90 ma.kr. í lok árs 2024.

Eiginfjárhlutfall samstæðunnar (CAR) var 23,0% í lok tímabilsins, samanborið við 22,8% í lok árs 2024. Hlutfallið tekur tillit til óendurskoðaðs hagnaðar fjórðungsins en eiginfjárhlutfall samkvæmt reglum Fjármálaeftirlits Seðlabanka Íslands var 22,5% í lok september 2025.

Heildar lausafjárþekjuhlutfall (LCR) samstæðunnar var 659% í lok tímabilsins, samanborið við 360% í lok árs 2024.

Heildareignir í stýringu námu 459 milljörðum króna í lok tímabilsins, samanborið við 456 ma.kr. í lok árs 2024.

Helstu atriði fyrstu níu mánaða ársins (9M 2025):

Hagnaður fyrir skatta af áframhaldandi starfsemi nam 4.695 milljónum króna, samanborið við 4.217 m.kr. á sama tímabili árið 2024 og hækkaði um 11,3%. Hagnaður fyrir skatta af áframhaldandi starfsemi leiðréttur fyrir einskiptisliðum á fyrsta ársfjórðungi nam 5.583 m.kr., og hækkar því um 32,4%.

Hagnaður af áframhaldandi starfsemi samstæðunnar eftir skatta nam 3.097 milljónum króna, samanborið við 3.162 m.kr. á sama tímabili árið 2024 og lækkaði 65 m.kr. eða 2,1% þegar ekki er tekið tillit til einskiptisliða á fyrsta ársfjórðungi.

Hreinar vaxtatekjur námu 8.831 milljónum króna, samanborið við 7.183 m.kr. á sama tímabili árið 2024 og hækkuðu um 23,0%.

Vaxtamunur var 4,1% á fyrstu níu mánuðum ársins 2025, samanborið við 3,9% á sama tímabili árið 2024.

Hreinar þóknanatekjur námu 5.026 milljónum króna, samanborið við 4.536 m.kr. á sama tímabili árið 2024 og hækkuðu um 10,8%.

Aðrar rekstrartekjur námu 581 milljónum króna, samanborið við 800 m.kr. á sama tímabili árið 2024 og lækkuðu um 27,4%.

Rekstrarkostnaður nam 8.811 milljónum króna, samanborið við 7.744 milljónir króna á sama tímabili árið 2024 og hækkaði um 13,8%.

Arðsemi efnislegs eigin fjár (RoTE) fyrir skatta af áframhaldandi starfsemi skv. rekstrarreikningi nam 14,9% á fyrstu níu mánuðum ársins 2025. Arðsemi efnislegs eigin fjár (RoTE) fyrir skatta af áframhaldandi starfsemi leiðrétt fyrir einskiptisliðum á fyrsta ársfjórðungi nam 17,7%

Hagnaður á hlut af áframhaldandi starfsemi nam 0,68 kr. á fyrstu níu mánuðum ársins 2025, samanborið við 0,67 kr. á sama tímabili árið 2024.

Afkoma eigna haldið til sölu eftir skatta samanstendur eingöngu af rekstri TM trygginga hf. sem rekið var sem eign haldið til sölu frá 1. janúar til 28. febrúar 2025 þegar félagið var selt. Afkoman er samandregin í einni línu í rekstrareikningi og nam 1,901 milljón króna á tímabilinu, samanborið við 1.541 m.kr. á sama tímabili árið 2024.

„Afkoma Kviku á þriðja ársfjórðungi endurspeglar áframhaldandi styrk í kjarnastarfsemi bankans. Rekstrarhagnaður tímabilsins var stöðugur milli fjórðunga, studdur af vaxandi útlánum, sterkum vaxtamun og fjölbreyttum tekjustraumum. Þá er lausafjárstaða bankans áfram mjög sterk og eiginfjárhlutfall hátt, sem veitir svigrúm til frekari vaxtar.

Útlánavöxtur á grunni bætts vaxtamunar hefur verið drifkraftur árangursins á árinu. Við erum nú komin langleiðina að markmiðum ársins fyrir útlánvöxt og hefur gengið vel að þróa lánabók bankans í takt við stefnu okkar, með áherslu á fjölbreyttar og vel tryggðar lánveitingar.

Erfiðar aðstæður á verðbréfamörkuðum á Íslandi hafa haft neikvæð áhrif á þóknanamyndun bankans, einkum hjá Eignastýringu og í Markaðsviðskiptum, en prýðilega hefur gengið í Fyrirtækjaráðgjöf. Starfsemi Kviku í Bretlandi heldur áfram að skila góðum árangri bæði í lánastarfsemi og fjárfestingum. Aldrei hefur verið meiri hagnaður af rekstri bankans þar, en hann nam 563 milljónum króna í þriðja ársfjórðungi.

Verðbólga og vextir hafa reynst þrálátari en vonast var til, á sama tíma og greinileg merki eru um að hægjast sé á innlendum umsvifum. Þrátt fyrir þetta eru heimili og fyrirtæki almennt í sterkri stöðu til að standa af sér tímabundinn mótbyr, enda skuldastaða hófleg, sparnaður nokkur og vanskil áfram fátíð.

Þótt ljóst sé að atburðir síðustu vikna, á borð við rekstrarstöðvun álversins á Grundartanga og óvissu í kjölfar vaxtadóms Hæstaréttar, hafi áhrif á efnahagsumsvif til skemmri tíma, teljum við ekki að þeir hafi veruleg áhrif á starfsemi Kviku. Lausa- og eiginfjárstaða okkar er feiknasterk, útlánavöxtur er á áætlun og vaxtamunur hefur haldist stöðugur. Þá búum við að ákveðinni innbyggðri áhættudreifingu í ljósi þess að hluti lánabókar okkar er óháður íslenskum markaðsaðstæðum.

Samrunaferlið við Arion banka er í góðum farvegi og fer nú að líða undir lok áreiðanleikakannana og forviðræður við Samkeppniseftirlitið eru formlega hafnar. Við gerum ráð fyrir að ferlið muni taka nokkurn tíma en á meðan málinu vindur fram leggjum við áfram áherslu á sterkan daglegan rekstur og að hámarka virði fyrir hluthafa og viðskiptavini.“

Kynningarfundur fyrir hluthafa og markaðsaðila verður haldinn fimmtudaginn 6 nóvember kl. 08:30 í höfuðstöðvum bankans á 9. hæð í Katrínartúni 2. 

Fundinum verður jafnframt streymt á íslensku.

Á stjórnarfundi þann 5. nóvember 2025 samþykktu stjórn og forstjóri árshlutauppgjör samstæðu Kviku banka hf. fyrir þriðja ársfjórðung og fyrstu níu mánuði ársins 2025.

Afkoma Kviku banka á þriðja ársfjórðungi 2025

Vegna gjaldþrots flugfélagsins Play og stöðvunar á starfsemi þess vill Kvika banki upplýsa korthafa um eftirfarandi:

Handhafar Visa greiðslukorta, bæði debet- og kreditkorta, eiga almennt rétt á endurkröfu ef fyrirframgreidd þjónusta, sem greidd var með korti, er ekki veitt.

Vegna gjaldþrots flugfélagsins Play og stöðvunar á starfsemi þess vill Kvika banki upplýsa korthafa um eftirfarandi.

11. febrúar 2026

Ársreikningur Kviku banka 2025

22. janúar 2026

Anna Rut Ágústsdóttir aðstoðarforstjóri Kviku banka

21. janúar 2026

Kvika banki hf. óskar eftir tilboðum í endurskoðun