Störf í boði hjá Kviku banka

Ávöxtunarleiðir séreignarsparnaðar

Jólagjöf Kviku 2024

Vextir og verðskrá

Séreignasparnaður

Undirnefndir stjórnar og endurskoðun

Viðskiptabanki

Fjárfestingarbanki

Tilnefningarnefnd

Reglur og skilmálar

Kvika verðbréf

Stjórn og stjórnarhættir

Investment Banking & Capital Markets

Starfsreglur og stjórnarhættir

Sjálfbærni

General Terms and Policies

Organization chart

Ársreikningar dótturfélaga Kviku

Fjárfestadagur Kviku

Skipurit

Kynning á uppgjöri

Áreiðanleikakönnun lögaðila

Umsókn um viðskipti

Sustainability

Fjölmiðlar

Media

Skiptiþjónusta

Dótturfélög

FrumkvöðlaAuður

Upplýsingagjöf á sviði sjálfbærni

Hvatningarsjóður Kviku

Erlend greiðslufyrirmæli

Test

Jafnréttisstefna

Kynning á uppgjöri 2023

Skilmálar og persónuverndarstefna

Áreiðanleikakönnun einstaklinga

Reports

Um Kviku

Meðferð kvartana

Sjálfbærnióskir

About Kvika

Kreditkort Kviku

Remote work policy

Kynning á uppgjöri 2022

Skýrslur og úttektir

Apple Pay

Google Pay

Commercial Banking

Söguleg gögn TM og Lykils

Mannauður

Skilmálar Kvika Verðbréf

Kvika's Cookie Policy Terms and Conditions

Upplýsingar vegna FATCA

Upplýsingaöryggisstefna

Skilmálar Kviku um notkun á vefkökum

Mannauðsstefna

Slice Showcase

Fjarvinnustefna

Skilmálar: Kvika verðbréf

Standard Settlement Instructions

Áreiðanleikakönnun söluaðila Netgíró og Aur

Stefna Kviku

Könnun

Gjaldeyrir

Tilhlýðileikamat

Corporate Governance

PSD2 and test environment

PSD2 og prófunarumhverfi

Fyrirtækjaráðgjöf

Fyrirvari um tölvupost

Bankasvið

Markaðir

Sterk auðkenning

Tölvupóstur

Shareholder meetings

Community

Fjárfestingar og viðskiptahættir

Kvika's Strategy

Human Resources

Investments and business practices

Subsidiaries

Samfélagið

Kvika Bank’s Green Financing Framework

Environment

LEI auðkenni

Ársreikningar og uppgjör

UFS skýrslur Kviku

Útgáfulýsingar

Fjárhagsdagatal

Gengi

Hluthafafundir

Hlutverk tilnefningarnefndar er að undirbúa og gera tillögur um frambjóðendur við kjör stjórnar félagsins á aðalfundi þess ár hvert og á þeim hluthafafundum þar sem stjórnarkjör er á dagskrá. Tillögur nefndarinnar skulu stefna að því, að stjórnin sé á hverjum tíma þannig samsett að hún búi að fjölbreyttri þekkingu og reynslu sem nýtist félaginu við stefnumótun og eftirlit í því umhverfi sem félagið starfar á hverjum tíma.

Tilnefningarnefnd hefur ráðgefandi hlutverk við val á stjórnarmönnum hjá Kviku og leggur tillögur sínar fyrir hluthafafund þar sem stjórnarkjör er á dagskrá. Í störfum sínum skal nefndin hafa heildarhagsmuni allra hluthafa félagsins að leiðarljósi.

Allir stjórnarmenn þurfa að fullnægja þeim skilyrðum sem fram koma í samþykktum félagsins og lögum um hlutafélög nr. 2/1995, sbr. 66. gr. laganna. Starfsreglur tilnefningarnefndar, samþykktir félagsins og önnur gögn eru aðgengileg á heimasíðu Kviku.

Óskað er eftir að tilnefningum eða framboðum til stjórnar félagsins sé skilað til tilnefningarnefndar á þar til gerðu eyðublaði ásamt ferilskrá. Vakin er athygli á því að frestur til að skila inn framboðum og tilnefningum til nefndarinnar er 12. febrúar 2025 og skal senda þær á tilnefningarnefnd@kvika.is. 

Tilnefningum og framboðum til stjórnar sem berast eftir framangreindan frest skal beint til stjórnar félagsins sem metur gildi þeirra og tryggir að þau verði kynnt eigi síðar en tveimur dögum fyrir hluthafafund.

Tilnefningarnefndin mun bjóða áhugasömum einstaklingum að funda með sér á tímabilinu 14. - 21. febrúar 2025.

Tilnefningar nefndarinnar um stjórn félagsins verða birtar samhliða birtingu fundarboðs fyrir aðalfund sem, samkvæmt samþykktum félagsins, er boðað til með minnst þriggja vikna fyrirvara og lengst sex vikna fyrirvara. Aðalfundur félagsins verður haldinn þann 26. mars 2025.  

Athugið að störf tilnefningarnefndarinnar og skilafrestur umsókna til hennar takmarka ekki rétt frambjóðenda til að skila inn framboðum til stjórnar félagsins áður en almennur framboðsfrestur rennur út.

Hlutverk tilnefningarnefndar er að undirbúa og gera tillögur um frambjóðendur við kjör stjórnar félagsins á aðalfundi þess ár hvert og á þeim hluthafafundum þar sem stjórnarkjör er á dagskrá.

Tilnefningarnefnd Kviku banka auglýsir eftir tilnefningum og framboðum til stjórnar Kviku.

Í kjölfar vaxtaákvörðunar Seðlabanka Íslands þann 20. nóvember sl. lækkar Kvika banki vexti. Seðlabankinn lækkaði meginvexti um 0,50%.

Ný vaxtatafla tekur gildi föstudaginn 22.11.2024.

Vextir á óverðtryggðum innlánum lækka um 0,50%

Vextir á yfirdráttarlánum og greiðsludreifingum lækka um 0,50%

Vextir á reikningum í erlendum myntum lækka um allt að 0,38%, mismunandi eftir myntum og þeim breytingum sem hafa átt sér stað á stýrivöxtum og markaðsvöxtum viðkomandi myntar

Breytingar á vöxtum greiðslureikninga sem falla undir lög um greiðsluþjónustu taka gildi að tveimur mánuðum liðnum í samræmi við 7. kafla almennra viðskiptaskilmála Kviku og 2. mgr. 56. gr. laga nr. 114/2021 um greiðsluþjónustu.

Vaxtatafla Kviku banka

Í kjölfar vaxtaákvörðunar Seðlabanka Íslands þann 20. nóvember sl. lækkar Kvika banki vexti.

Kvika banki breytir vöxtum

Fjárfestadagur Kviku – Kynning og beint streymi

Fjárfestadagur Kviku verður haldinn í dag fimmtudaginn 7. nóvember kl. 12.00 til 16.00 í Norðurljósasal Hörpu. Hægt verður að fylgjast með fundinum í beinu streymi á vef Kviku.

Á fjárfestadeginum munu Ármann Þorvaldsson, forstjóri Kviku, og stjórnendur kynna stefnu og áherslur bankans í kjölfar væntrar sölu á TM tryggingum hf. Farið verður yfir helstu atriði uppgjörs fyrir þriðja ársfjórðung 2024 auk þess sem aðalhagfræðingur bankans mun fjalla um þróun og efnahagshorfur á Íslandi og í Bretlandi.

Á fjárfestadeginum og í kynningu verður meðal annars farið yfir:

·        Uppgjör þriðja ársfjórðungs 2024

·        Þróun og efnahagshorfur á Íslandi og í Bretlandi

·        Stefna og áherslur Kviku í kjölfar væntrar sölu á TM

·        Fjármögnun og áætluð eiginfjárstaða

·        Áætlaðar arðgreiðslur í kjölfar sölu

·        Fjárhagsleg markmið og möguleg þróun

Hér er hægt að nálgast kynningarefni fjárfestadagsins, dagskrána og beint streymi:

Hægt verður að senda inn spurningar á meðan á fundi stendur.

Fundurinn fer fram á íslensku og ensku en kynningarefni er á ensku.

Upptaka með enskum texta verður síðar gerð aðgengileg á vef Kviku.

Nánari upplýsingar veita fjárfestatengsl Kviku á netfanginu fjarfestatengsl@kvika.is

Á fjárfestadeginum munu Ármann Þorvaldsson, forstjóri Kviku, og stjórnendur kynna stefnu og áherslur bankans í kjölfar væntrar sölu á TM tryggingum hf. Farið verður yfir helstu atriði uppgjörs fyrir þriðja ársfjórðung 2024 auk þess sem aðalhagfræðingur bankans mun fjalla um þróun og efnahagshorfur á Íslandi og í Bretlandi. Hægt verður að fylgjast með fundinum í beinu streymi á vef Kviku.

Á stjórnarfundi þann 6. nóvember 2024 samþykktu stjórn og forstjóri árshlutauppgjör samstæðu Kviku banka hf. („Kvika“) fyrir þriðja ársfjórðung og fyrstu níu mánuði ársins 2024.

Í árshlutareikningi samstæðu Kviku fyrir fyrstu níu mánuði ársins 2024 er tryggingafélagið TM tryggingar hf. („TM“) flokkað sem eign haldið til sölu. Þar af leiðandi og í samræmi við alþjóðlega reikningsskilastaðla færir samstæðan tekjur af starfsemi TM í einni línu í rekstrarreikningi sem hagnað eftir skatta af aflagðri starfsemi. Samanburðartölur við rekstur ársins 2023 hafa verið uppfærðar til samræmis.

Helstu atriði í afkomu þriðja ársfjórðungs (3F 2024)

Hagnaður fyrir skatta af áframhaldandi starfsemi nam 1.813 milljónum króna, samanborið við 234 m.kr. á 3F 2023 og eykst um 1.579 m.kr.

Hagnaður samstæðunnar í heild eftir skatta nam 2.363 m.kr. á 3F 2024, samanborið við 544 m.kr. á 3F 2023 og eykst um 1.819 m.kr.

Hreinar vaxtatekjur námu 2.429 m.kr. á 3F 2024, samanborið við 1.849 m.kr. á 3F 2023 og hækkuðu því um 31% frá fyrra ári.

Vaxtamunur var 3,7% á 3F 2024, samanborið við 3,2% á 3F 2023.

Hreinar þóknanatekjur voru 1.552 m.kr. á 3F 2024, samanborið við 1.324 m.kr. á 3F 2023 og hækkuðu því um 17% frá fyrra ári.

Aðrar rekstrartekjur námu 474 milljónum króna á 3F 2024 en þær voru neikvæðar sem námu 148 m.kr. á 3F 2023 og munar þar helst um 665 m.kr. viðsnúning fjárfestingatekna.

Rekstrarkostnaður nam 2.344 milljónum króna á 3F 2024, samanborið við 2.633 milljónir króna á 3F 2023 og lækkar um 11% á milli ára.

Arðsemi efnislegs eigin fjár (RoTE) fyrir skatta af áframhaldandi starfsemi var 22,4%.

Hagnaður á hlut nam 0,50 kr. á 3F 2024, samanborið við 0,11 kr. á 3F 2023.

Afkoma eigna haldið til sölu eftir skatta, sem samanstendur eingöngu af rekstri dótturfélagsins TM, er samandregin í einni línu í rekstrareikningi og nam 965 milljónum króna á 3F 2024, samanborið við 631 m.kr. á 3F 2023.

Samsett hlutfall trygginga nam 86,0%, samanborið við 87,5% á þriðja ársfjórðungi 2023.

Innlán frá viðskiptavinum námu 149 milljörðum króna, samanborið við 134 ma.kr. í lok árs 2023 og jukust um 12% á tímabilinu.

Útlán til viðskiptavina voru 146 milljarðar króna, samanborið við 136 ma.kr. í lok árs 2023 og jukust um 7,1% á tímabilinu.

Heildareignir námu 364 milljörðum króna, samanborið við 335 ma.kr. í lok árs 2023.

Eigið fé samstæðunnar var 86 milljarðar króna í lok tímabilsins, samanborið við 82 ma.kr. í lok árs 2023.

Eiginfjárhlutfall samstæðunnar (CAR) var 23,5%, samanborið við 22,6% í lok árs 2023 og var gjaldþolshlutfall fjármálasamsteypunnar 1,24 í lok tímabilsins.

Heildar lausafjárþekjuhlutfall (LCR) samstæðunnar var 780%, samanborið við 247% í lok árs 2023.

Heildareignir í stýringu námu 440 milljörðum króna, samanborið við 470 ma.kr. í lok árs 2023.

Helstu atriði fyrstu níu mánaða ársins 2024:

Hagnaður fyrir skatta af áframhaldandi starfsemi nam 4.217 milljónum króna, samanborið við 2.646 m.kr. á sama tímabili árið 2023

Hagnaður samstæðunnar í heild eftir skatta nam 4.703 milljónum króna, samanborið við 2.456 m.kr. á sama tímabili árið 2023

Hreinar vaxtatekjur námu 7.183 milljónum króna, samanborið við 5.690 m.kr. á sama tímabili árið 2023 og hækkuðu um 26% frá fyrra ári.

Vaxtamunur var 3,9% á fyrstu níu mánuðum ársins 2024.

Hreinar þóknanatekjur námu 4.536 milljónum króna, samanborið við 4.339 m.kr. á sama tímabili árið 2023 og hækkuðu um 5% frá fyrra ári.

Aðrar rekstrartekjur námu 800 milljónum króna, samanborið við 821 m.kr. á sama tímabili árið 2023.

Rekstrarkostnaður nam 7.744 milljónum króna á, samanborið við 8.006 milljónir króna á sama tímabili árið 2023 og lækkar um 3%.

Arðsemi efnislegs eigin fjár (RoTE) fyrir skatta af áframhaldandi starfsemi nam 18,1% á fyrstu níu mánuðum ársins 2024.

Hagnaður á hlut nam 1,00 kr. á fyrstu níu mánuðum ársins 2024, samanborið við 0,51 kr. á sama tímabili árið 2023.

Afkoma eigna haldið til sölu eftir skatta, sem samanstendur eingöngu af rekstri dótturfélagsins TM tryggingar, er samandregin í einni línu í rekstrareikningi og nam 1.541 milljónum króna á fyrstu níu mánuðum ársins 2024, samanborið við 741 m.kr. á sama tímabili árið 2023.

Samsett hlutfall trygginga nam 95,9%, samanborið við 94,0% á sama tímabili árið 2023. Brunatjón í Kringlunni í sumar hefur veruleg áhrif á samsett hlutfall milli ára.

„Það er afar ánægjulegt að sjá þann mikla viðsnúning sem verið hefur á rekstri bankans að undanförnu og endurspeglast í uppgjöri þriðja ársfjórðungs. Bankinn er að ná arðsemismarkmiðum sínum af áframhaldandi rekstri, en hagnaður fyrir skatta í fjórðungnum margfaldaðist milli ára og nam 1.813 m.kr., sem nemur 22,4% arðsemi efnislegs eiginfjár fyrir skatta.

Mikill vöxtur er í öllum tekjuliðum milli ára. Vöxtur í lánabók og aukning vaxtamunar skiluðu tæplega 600 m.kr. aukningu í vaxtatekjum milli ára. Þá var mikill viðsnúningur í hreinum fjárfestingatekjum sem voru rúmlega 400 m.kr. á fjórðungnum en voru neikvæðar á sama tímabili í fyrra en viðsnúningur fjárfestingartekna skýrist að mestu af því að eigin fjárfestingar bankans á Íslandi og í Bretlandi gengu vel í fjórðungnum. Þóknanatekjur vaxa um 17% á milli ára sem má helst rekja til aukinna umsvifa Straums og aukinna útlánaþóknana.

Árangur bankans þegar kemur að kostnaði hefur verið einstaklega góður síðastliðið ár og erfiðar aðhaldsaðgerðir hafa skilað miklum árangri. Rekstrarkostnaður í fjórðungnum lækkaði um nærri 300 milljónir króna samanborið við sama fjórðung í fyrra sem verður að teljast frábær árangur í umhverfi mikillar verðbólgu og launahækkana.

Eiginfjárstaða bankans er að vanda mjög sterk og lausafjárhlutfall hans hefur sjaldan verið hærra. Allar viðskiptaeiningar eru að skila afkomu um eða yfir áætlunum félagsins og er sérstaklega ánægjulegt að sjá þann viðsnúning sem verið hefur á starfsemi félagins í Bretlandi.

Rekstur TM gekk einnig mjög vel á ársfjórðungnum, hvort sem horft er til tryggingareksturs eða fjárfestinga og jókst hagnaður félagsins um rúmlega 300 m.kr. milli ára.

Þá veitti Fjármálaeftirlitið samþykki sitt fyrir kaupum Landsbankans á TM á fjórðungnum, en enn er beðið eftir samþykki Samkeppniseftirlitsins. Ljóst er að væntanleg sala mun styrkja verulega eiginfjárstöðu bankans og gera honum kleift að nýta fjölmörg tækifæri til vaxtar á næstu misserum, eins og nánar verður farið yfir á Fjárfestadegi Kviku sem haldinn verður fimmtudaginn 7.nóvember.“

Kynningarfundur og fjárfestakynning
Kynningarfundur fyrir hluthafa og markaðsaðila verður að þessu sinni samtvinnaður Fjárfestadegi Kviku sem haldinn verður fimmtudaginn 7.nóvember kl. 12:00 í Norðurljósasal Hörpu. Á viðburðinum munu stjórnendur Kviku kynna stefnu og áherslur félagsins í kjölfar væntrar sölu TM auk þess að farið verður yfir helstu atriði í uppgjöri félagsins fyrir þriðja ársfjórðung 2024.

Hægt verður að fylgjast með streymi af fundinum Hér


Kvika birtir 9 mánaða uppgjör

Kvika birtir níu mánaða uppgjör

Nýjum fyrirtækjareikningum Auðar, sem bjóða hæstu vexti á óbundnum innlánsreikningum óháð upphæð, hefur verið vel tekið. Eftir aðeins fjórar vikur frá opnun hafa yfir 400 fyrirtæki stofnað nýja reikninga og er staða innlána komin yfir 2 milljarða króna.

Auður, fjármálaþjónusta Kviku fyrir sparnaðarreikninga, kynnti fyrir um mánuði nýja þjónustu, fyrirtækjareikninga sem bera 8% vexti, óháð innlánsupphæð, á óbundnum og óverðtryggðum sparnaðarreikningum, sem eru hæstu vextir á sambærilegum reikningum sem eru í boði á markaðnum í dag fyrir fyrirtæki.

„Þetta hefur farið mjög vel af stað og fjöldi viðskiptavina á fyrstu vikunum hefur farið fram úr okkar væntingum,“ segir Halldór Snæland framkvæmdastjóri viðskiptabankasviðs hjá Kviku.

„Við fengum strax í upphafi frábærar viðtökur frá fyrirtækjum bæði frá þeim sem þegar voru í viðskiptum við Kviku en ekki síður frá nýjum fyrirtækjum. Fjöldi nýrra fyrirtækja hefur bæst í viðskiptavinahóp okkar og opnaði reikninga strax á fyrstu dögum. Við fundum þannig fljótt að við vorum greinilega að svara eftirspurn sem var til staðar frá fyrirtækjum í landinu, ekki síst litlum og meðalstórum fyrirtækjum. Nú þegar mánuður er liðinn frá opnun hafa yfir 400 fyrirtæki opnað reikninga hjá Auði og staða innlána er orðin rúmir 2 milljarðar króna og fer hækkandi með hverjum degi.“

Hæstu vextir á fyrirtækjareikningum: 8% á óbundnum innlánsreikningum, óháð innlánsupphæð

Auður er fjármálaþjónusta í eigu Kviku sem hefur frá upphafi boðið einstaklingum uppá einfalda sparnaðarreikninga á netinu með hæstu mögulegu vöxtum án binditíma. Viðskiptavinir Auðar meðal einstaklinga eru nú yfir 50.000 og staða innlána rauf 100 milljarða múrinn á fimm ára afmæli Auðar síðastliðið vor. Auður veitir þjónustu einungis á netinu en með því er kostnaði haldið í lágmarki og þannig skapast svigrúm til að bjóða viðskiptavinum upp á betri innlánskjör.

Á fimm ára afmælisári Auðar var ákveðið að útvíkka þjónustuna til fyrirtækja og bjóða þeim einnig betri kjör á sparnaðarreikningum en aðrir bjóða. Nýir fyrirtækjareikningar Auðar fóru í loftið þann 25. september sl. með 8% vexti, óháð innlánsupphæð, á óbundnum og óverðtryggðum sparnaðarreikningum, sem eru hæstu vextir á sambærilegum reikningum sem eru í boði á markaðnum í dag fyrir fyrirtæki. Reikningar og vaxtakjör Auðar standa öllum fyrirtækjum til boða óháð því hvort þau eru í öðrum viðskiptum við Kviku. Á einfaldan hátt geta forráðamenn stofnað nýjan reikning fyrir sína starfsemi á vef Auðar. Reikningarnir bera hvorki stofngjald né færslugjöld.

Yfir 400 fyrirtæki komin í viðskipti við Auði og 2 milljarðar í innlán

Í kjölfar vaxtaákvörðunar Seðlabanka Íslands þann 2. október sl. lækkar Kvika banki vexti. Seðlabankinn lækkaði meginvexti um 0,25%.

Ný vaxtatafla tekur gildi þriðjudaginn 15.10.2024.

Vextir á óverðtryggðum innlánum lækka um 0,25%

Vextir á yfirdráttarlánum og greiðsludreifingum lækka um 0,25%

Vextir á reikningum í erlendum myntum lækka um allt að 0,69%, mismunandi eftir myntum og þeim breytingum sem hafa átt sér stað á stýrivöxtum og markaðsvöxtum viðkomandi myntar

Í kjölfar vaxtaákvörðunar Seðlabanka Íslands þann 2. október sl. lækkar Kvika banki vexti.

Hvatningarsjóður Kviku úthlutar styrkjum

Níu nemar hlutu styrk úr Hvatningarsjóði Kviku en þetta er í síðasta sinn sem sjóðurinn veitir styrki.

Hvatningarsjóður iðnnema var stofnaður árið 2018 í samstarfi við Samtök iðnaðarins og Hvatningarsjóður kennaranema var stofnaður árið 2019 í samstarfi við Mennta- og barnamálaráðuneytið. Upphaflega átti hvor sjóður að starfa í þrjú ár en eftir þriðju úthlutun úr Hvatningarsjóði iðnnema var ákveðið að halda áfram að styðja við þessar mikilvægu menntagreinar og voru sjóðirnir tveir þá sameinaðir í einn sjóð, Hvatningarsjóð Kviku.

Hvatningarsjóður Kviku hefur haft það hlutverk að hvetja og styrkja ungt fólk til iðn- og kennaranáms og er markmið sjóðsins að efla umræðu og vitund um mikilvægi iðn- og kennaranáms og þýðingu starfa sem því tengjast fyrir íslenskt atvinnulíf.

Frá stofnun Hvatningarsjóðsins hefur Kvika úthlutað styrkjum til 86 kennara- og iðnnema fyrir samtals 56 milljónir króna. Á þessu tímabili hefur umsóknum í iðn- og kennaranám fjölgað umtalsvert og í ljósi þess hefur verið ákveðið að leggja sjóðinn niður.

Ármann Þorvaldsson forstjóri Kviku banka:

„Það hefur verið okkur mikil ánægja að fylgjast með hvernig aðsókn í bæði iðnnám og kennaranám hefur aukist verulega frá stofnun sjóðsins. Samstillt átak samstarfsaðila okkar, Samtaka iðnaðarins og Mennta- og barnamálaráðuneytisins, hefur án efa haft mikið um það að segja og erum við einstaklega stolt og þakklát fyrir samstarfið. En nú þegar 5 ára átaksverkefni stjórnvalda til að efla menntun í landinu, sem hófst haustið 2019, er að ljúka og staða iðnnáms hefur sjaldan verið betri, þá teljum við að nú sé rétti tíminn til að hætta með Hvatningarsjóðinn. Þetta hefur verið einstaklega skemmtilegt og gefandi verkefni og vil ég enn og aftur nota tækifærið og þakka samstarfsaðilum okkar fyrir einstaklega gott og árangursríkt samstarf.

Jónína Guðmundsdóttir, varaformaður Samtaka iðnaðarins:

 „Samtök iðnaðarins hafa allt frá stofnun lagt ríka áherslu á menntamál með það fyrir augum að auka veg iðn- og tæknináms.  Aðsókn í slíkt nám hefur aldrei verið meira og munu samtökin halda ótrauð áfram að styðja við byggingu nýs Tækniskóla sem á að rísa í Hafnarfirði og verða tilbúinn haustið 2029. Iðnaður er orðinn stærsta útflutningsgrein landsins og hefur alla burði til þess að vaxa og dafna enn frekar með auknum stuðningi við sérhæfða menntun ungs fólks. Ég óska öllum styrkþegum innilega til hamingju og óska þeim velfarnaðar í sínum framtíðarverkefnum.“

Hvatningarsjóður Kviku óskar styrkþegum til hamingju með úthlutaðan styrk á árinu:

Askur Egilsson, nemi í húsasmíði við Fjölbrautaskólann í Breiðholti

Bathasar Alexandersson Eck, nemi í rafvirkjun við Tækniskólann

Emilía Björt Hörpudóttir, nemi í húsasmíði við Verkmenntaskólann á Akureyri

Guðmundur Andri Björnsson, nemi í rafvirkjun við Fjölbrautaskólann á Akranesi

Guðríður Ósk Þórisdóttir, nemi í grunnskólakennslu með áherslu á stærðfræði við Háskóla Íslands

Hjalti Snær Helgason, nemi í rafiðnfræði við Háskólann í Reykjavík

Ísar Freyr Jónasson, nemi í pípulagningum við Tækniskólann

Oddur Helgi Ólafsson, nemi í grunnskólakennslu með áherslu á upplýsingatækni, miðlun og nýsköpun við Háskóla Íslands

Fréttir

09. janúar 2025

Tilnefningarnefnd Kviku banka auglýsir eftir tilnefningum og framboðum til stjórnar Kviku.